Medio Ambiente asesorará ao Concello da Laracha na tramitación para a declaración de espazos naturais de interese local de varias zonas do municipio
O Concello prevé tramitar a declaración co propósito de obter esa figura de protección medioambiental en catro ámbitos que no planeamento municipal xa contan coa protección desde o punto de vista urbanístico. Isto abriría a posibilidade de que as administracións públicas teñan a capacidade de desenvolver actuacións para a súa posta en valor e que o Concello poida asumir as actuacións de conservación e mantemento para facilitar o seu uso e disfrute por parte da cidadanía.
