Programa Harmoniza: Conciliando na Laracha
EN QUE CONSISTE O PROGRAMA HARMONIZA: CONCILIANDO NA LARACHA?
Programa municipal de apoio á conciliación da vida persoal, familiar e laboral que inclúe acollida, vixilancia, coidado, organización de actividades e almorzo dos/as nenos/as durante o curso escolar e durante as vacacións nos centros de ensino.
CONTIDO
Durante o curso escolar nos centros de educación infantil e primaria do municipio, o servizo préstase no propio colexio de luns a venres desde as 7:00 horas e ata o inicio do horario escolar establecido en cada centro.
Durante as vacacións nos centros de ensino (verán, Entroido, Semana Santa e Nadal), préstase en horario de 7:00 a 14:00 horas nas instalacións do CEIP Otero Pedrayo.
CONDICIÓNS DE ACCESO
Dirixido a nenos/as de 3 a 12 anos de idade.
Durante o curso escolar requírese estar matriculado nun centro de educación infantil e primaria do municipio. Durante os períodos de vacacións, está dirixido a persoas empadroadas no Concello da Laracha.
Os criterios de valoración para o acceso ao programa serán as necesidades de conciliación en base ás circunstancias laborais e outras situacións sociais e familiares que xustifiquen a necesidade de acceso ao servizo.
ONDE PODE SOLICITARSE INFORMACIÓN E FACER A INSCRICIÓN?
No Centro de Información ás Mulleres (CIM) da Laracha, situado na planta baixa do edificio administrativo da Laracha (Avenida Fisterra, 60). Tamén a través da Sede Electrónica.
DESCARGAS SEMANA SANTA 2026
Formulario solicitude redución prezo
DESCARGAS CURSO 2025-2026
Formulario solicitude redución prezo
INSTRUCCIÓNS ALTA PLATAFORMA PAGAMENTO
Instruccións pagamento mensual co móbil
CANGURAXE
Dirixido ás familias con nenas e nenos desde os 4 meses aos 12 anos de idade. Contempla un conxunto de tarefas centradas nos coidados básicos e atención a prestar nos domicilios para cubrir necesidades puntuais, non de carácter estable ou estrutural prolongadas no tempo.
Horario: todo o ano de 7:30 a 22:00 horas, agás fins de semana e festivos.
Cada unidade familiar beneficiaria disporá dun máximo de 40 horas anuais.
Cofinanciado pola Consellería de Política Social e Igualdade e polo Plan Corresponsables do Ministerio de Igualdade.
