Programas de compostaxe
PARTICIPA PARA BENEFICIARTE DE REDUCIÓNS DO 10 % NA TAXA POLA RECOLLIDA DE LIXO
O Concello da Laracha ten en marcha dous programas de compostaxe co obxectivo de fomentar a separación eficiente dos residuos orgánicos, reducir a xeración de residuos e incrementar a recuperación de materiais para a reciclaxe.
Todas as vivendas que soliciten a súa participación en calquera destes dous programas, beneficiaranse de reducións do 10 % no recibo pola recollida de lixo durante os dous anos posteriores ao de solicitude. Para poder beneficiarse en 2026 e 2027, debe presentarse como data límite o 1 de xuño de 2026.
O trámite debe realizarse en liña a través da Sede Electrónica ou na Oficina Virtual Tributaria, ou presencialmente nos rexistros municipais habilitados (actualmente, Edificio Administrativo da Laracha e Viveiro de Empresas do polígono industrial).
AVISO IMPORTANTE: para acceder á redución débese presentar a solicitude tanto se a vivenda xa participa en programas de compostaxe como se aínda non.
TRÁMITE EN LIÑA POLA SEDE ELECTRÓNICA. Require Clave Móvil (Cl@ve PIN), DNIe - Certificado Electrónico ou Clave Permanente.
Paso 1. Descarga e cubre o documento de solicitude.
Paso 2. Accede á Ligazón á Sede Electrónica.
Paso 3. Inicia trámite on-line de solicitude xeral e adxunta o documento cuberto.
TRÁMITE EN LIÑA POLA OFICINA VIRTUAL TRIBUTARIA. Require certificado dixital.
Paso 1. Accede á Oficina Virtual Tributaria e identifícate co certificado dixital.
Paso 2. Solicitudes: presentar e consultar.
Paso 3. Nova solicitude, recurso ou achegar documentación
Paso 4. Solicitude de exencións, bonificacións e demais beneficios fiscais. Taxa.
Paso 5. Explicar o motivo e engadir o documento.
TRÁMITE PRESENCIAL
Presenta o documento no rexistro do Edificio Administrativo da Laracha ou no Viveiro de empresas. Se o desexas, podes descargar o Documento de solicitude.
TI TES A CHAVE
Dirixido ás vivendas das zonas urbanas (A Laracha, Paiosaco e Caión) e urbanización Monte Claro (Cabovilaño). A compostaxe faise mediante o depósito dos residuos orgánicos nos contedores marróns dotados cun sistema de peche que só permite o seu uso aos usuarios autorizados. A chave para abrir os contedores debe recollerse nos puntos de rexistro municipal.
Descarga: Tríptico programa "Ti tes a chave"
COMPOSTAXE INDIVIDUAL
Dirixido a vivendas unifamiliares con parcela anexa situadas en núcleos rurais, que poden producir compost de xeito doméstico mediante o uso dos composteiros.
