Servizo de Educación e Apoio Familiar

EN QUE CONSISTE?

O Servizo de Educación e Apoio Familiar (SEAF) é un servizo socioeducativo e psicosocial de prevención, intervención e apoio dirixido ás familias e a toda a comunidade do municipio.

OBXECTIVOS

Con el preténdese detectar, previr e superar situacións de dificultade nas familias, facendo especial fincapé nas situacións de maltrato infantil ou calquera outra desprotección, promover procesos de cambios que favorezan a corresponsabilidade familiar, a mellora da autonomía e da integración e participación das familias na comunidade.

PERSOAS DESTINATARIAS

As persoas destinatarias do SEAF son, con carácter xeral, as familias da comunidade da Laracha. Teñen atención prioritaria aquelas que se atopen nunha situación de vulnerabilidade, nas que exista persoas menores de idade en risco e desamparo ou nas que se identifiquen indicadores dunha situación de risco de exclusión social ou pobreza infantil.

Así mesmo, tamén poden ser persoas destinatarias do servizo aquelas unidades de convivencia con funcións análogas á familiar, sempre que favoreza a súa autonomía e integración social.

As unidades familiares destinatarias do SEAF serán valoradas previa a prescripción de alta no servizo por parte do persoal técnico dos servizos sociais comunitarios municipais. A alta figurará no correspondente expediente social.

FINANCIAN

PROGRAMA COMPLEMENTARIO DE EDUCACIÓN E APOIO FAMILIAR "EDUCA EN POSITIVO"

EN QUE CONSISTE?

Trátase dun programa complementario do “Servizo de Educación e Apoio Familiar” e vai dirixido ás familias e/ou unidades de convivencia pertencentes ao ámbito dos servizos sociais comunitarios que teñen menores a cargo ou que se atopan nunha situación socio-familiar que lles provoca vulnerabilidade e/ou risco social. 

COMO SE DESENVOLVE?

O Proxecto “EDUCA EN POSITIVO” lévase a cabo a través de dúas accións: 

• Acción 1: “UN PASO ADIANTE”. Dirixido a persoas menores en idade escolar (primaria e secundaria) que se ven desfavorecidos a nivel educativo en relación á adquisición de competencias básicas e desenvolvemento das súas capacidades por non estar en igualdade de oportunidades coas demais persoas menores do seu entorno. Prestaráselles apoio técnico-profesional consistente en apoio educativo e psicosocial. 

• Acción 2: “APRENDEMOS XUNTOS”. Dirixido ás familias. Serán tamén intervencións técnico-profesionais destinadas a dotar aos pais e nais de competencias emocionais, educativas e parentais necesarias para o exercicio dunha parentalidade positiva, a familias pertencentes á comunidades de referencia dos servizos socias comunitarios. 

DONDE? CANDO?

O apoio escolar desenvólvese en Paiosaco (Centro sociocultural) e A Laracha (Edificio de Servizos Múltiples) de luns a venres en horario de tarde. 

A escola de pais e nais realízase quincenalmente nos mesmos lugares en horario de mañá.

QUEN PODE PARTICIPAR?

As familias e menores que se deriven dende o programa de Educación Familiar que é xestionado desde os servizos sociais.

DURACIÓN

Dende setembro ata xuño.