Concello
O Concello programa andainas para maiores de 55 anos: “Xoves de andainas e lecer: muíños e ríos”
24/09/2021
O Concello organiza andainas guiadas para os/as maiores de 55 anos, unha oportunidade para coñecer polo miúdo os bonitos cornechos do territorio e unha maneira de estar en forma neste outono. Unha aposta pola saúde e o lecer . Baixo o título de “Xoves de Andainas e Lecer: Muiños e Ríos”, o fío condutor serán os ríos da Laracha e os muíños de auga que podemos atopar nestes paseos.
A saída destas rutas será en bus dende a praza Olonne sur Mer as 10:00 horas.
O xoves 7 teremos a Ruta da Muiñeira a ritmo do Río Acheiro, unha andaina de 4,2 km pola contorna do río Acheiro. Visitárase o Centro de Interpretación dos Muíños de Auga da Costa da Morte. A dificultade é baixa.
O xoves 14 teremos As Pegadas do Bradoso. Dende a Escola infantil de Cumiáns, iniciaremos unha andaina de 7 km polo río Bradoso. O discurrir do río entre carballos e castiñeiros. A dificultarde e media-alta.
O xoves 21 teremos O vibrar do río Anllóns. Partiremos andando dende a praza Olonne sur Mer ata a parroquia de Cabovilaño, uns 7 km pola beira do río Anllóns. A dificultade é baixa.
Lembramos que para profundizar sobre o coñecemento dos muíños de auga temos o Centro de Interpretación dos Muíños de Auga de Golmar que conta co distintivo de centro azul. Este museo está aberto ao público os venres o os sábados en horario de 10:00 a 14:00 horas. Tamén poden concertarse visitas de grupos en calquera outra data.
Formularios de inscrición:
7 de outubro. "Ruta da Muiñeira a ritmo do Río Acheiro"
