Outorgados os premios dos concursos de postais e contos de Nadal

Os membros do xurado dos concursos de Nadal de postais e de conto convocados polo Concello reuníronse esta mañá na biblioteca municipal da Laracha para valorar todos os traballos presentados entre ambos certames polos alumnos dos catro centros de educación infantil e primaria que existen no municipio. Dito xurado estivo formado por técnicos municipais e representantes dos colexios CEIP Otero Pedrayo da Laracha, CEIP Alfredo Brañas de Paiosaco e CEIP de Caión.

Ao concurso de postais presentáronse tanto traballos individuais como colectivos, nestes últimos casos realizados conxuntamente polos alumnos das aulas de educación infantil. Houbo tres categorías de premios diferenciadas por grupos de idade.

O concurso de contos mostrou a imaxinación e facilidade para a escritura dos participantes a título individual, tal e como establecían as bases do certame. Foi dirixido a alumnos do terceiro ciclo (5º e 6º) de educación primaria.

Os doce premios outorgados polo xurado serán entregados aos gañadores nun acto que se desenvolverá este sábado (21 de decembro) a partir das 12:00 horas na Casa da Cultura da Laracha. Consistirán en xogos e en material educativo adaptado ás idades de cada un dos premiados. 

Premiados no Concurso de Postais

Categoría A (educación infantil)

• Aula de 4º do CEIP Alfredo Brañas.
• Aulas de 5º e 6º do CEIP de Caión.
• Aulas de 6º do CEIP Otero Pedrayo.

Categoría B (primeiro ciclo de educación primaria)

• Izan Pérez (2ºB do CEIP Otero Pedrayo).
• Thiago Soto (2ºB do CEIP Otero Pedrayo).
• Eric Santalla (1º do CEIP Alfredo Brañas).

Categoría C (segundo ciclo de educación primaria)

• Paula Cancelas (4º do CEIP de Caión).
• Daniela Añón (4º do CEIP Alfredo Brañas).
• Carla Santín (4º do CEIP Alfredo Brañas).

Premiados no Concurso de Contos (dirixido a estudantes do 3º ciclo de primaria)

• Hugo Suárez (6º do CEIP Otero Pedrayo) por El ratón y el cerdito.
• Lucía Rodríguez (6º do CEIP Alfredo Brañas) por A Laracha en Navidad.
• Miguel Cancela (5º do CEIP Alfredo Brañas) por Papá Noel.