O Concello realiza a poda das árbores do Campo da Feira de Paiosaco

A nova empresa concesionaria do servizo de limpeza e mantemento de zonas verdes –Jardinería Arce- iniciou, a instancias do Concello da Laracha,  os traballos referidos á poda das árbores situadas no campo da feira de Paiosaco, incluíndo a súa retirada e transporte.

Unha vez estean completados os traballos en Paiosaco, estes mesmos labores realizaranse en varios puntos da capital municipal como as prazas do Concello e Maximino Canedo. 

Paralelamente tamén se están acometendo os oportunos labores de mantemento no resto de prazas públicas dos núcleos urbanos e das parroquias, así como unha completa actuación na área recreativa de Gabenlle.

Deste xeito, ademais de comprobar que as árbores se atopan en bo estado, mellórase a estética nos puntos de actuación e, especialmente nas zonas urbanas, protexerase aos vehículos e aos viandantes de posibles desprendementos das polas. No caso do campo da feira de Paiosaco tamén se facilitará a o desenvolvemento da actividade comercial que alí se leva a cabo no primeiro e no terceiro domingo de cada mes.