O xurado dos concursos de postais e contos de Nadal outorgou os premios tras valorar máis de 400 traballos

Os membros do xurado dos concursos de Nadal de postais e de conto convocados polo Concello da Laracha reuníronse esta mañá na biblioteca municipal da Laracha, onde valoraron os máis de catrocentos traballos presentados entre ambos certames polos alumnos de todos os centros de educación infantil e primaria que existen no municipio. Dito xurado estivo formado por técnicos municipais e representantes dos colexios CEIP Otero Pedrayo da Laracha, CEIP Alfredo Brañas de Paiosaco e CEIP de Caión.

Ao concurso de postais presentáronse tanto traballos individuais como colectivos, nestes últimos casos realizados conxuntamente polos alumnos das aulas de educación infantil. Houbo tres categorías de premios diferenciadas por grupos de idade.

O concurso de contos mostrou a imaxinación e facilidade para a escritura dos participantes a título individual, tal e como establecían as bases do certame. Foi dirixido a alumnos do terceiro ciclo (5º e 6º) de educación primaria.

Os quince premios outorgados polo xurado serán entregados aos gañadores nun acto que se desenvolverá o venres da próxima semana (21 de decembro) a partir das 18:00 horas na Casa da Cultura da Laracha. Consistirán en xogos e en material educativo adaptado ás idades de cada un dos premiados. 

Premiados no Concurso de Postais

Categoría A (educación infantil)

• Educación infantil do CEIP de Caión.
• Educación infantil da EEI de Cumiáns (Montemaior).
• Aula de 4º do CEIP Alfredo Brañas de Paiosaco.
• Aula de 5º do CEIP Alfredo Brañas de Paiosaco.
• Aula de 6º do CEIP Alfredo Brañas de Paiosaco.
• Aulas de 6º (A, B e C) do CEIP Otero Pedrayo da Laracha.

Categoría B (primeiro ciclo de educación primaria)

• Martiño Fontenla (2ºB do CEIP Otero Pedrayo da Laracha).
• Rut Olmo (2º do CEIP Alfredo Brañas de Paiosaco).
• Osama Lemsahri (2º do CEIP Alfredo Brañas de Paiosaco).

Categoría C (segundo ciclo de educación primaria)

• Salma García (4ºA do CEIP Otero Pedrayo da Laracha).
• Lucía Regueira (4º do CEIP Alfredo Brañas de Paiosaco).
• Simón Recarey (4º do CEIP de Caión).

Premiados no Concurso de Contos (dirixido a estudantes do 3º ciclo de primaria)

• Sofía Castro (5ºA do CEIP Otero Pedrayo da Laracha) por El lápiz mágico.
• Berta Iglesias (5º do CEIP Alfredo Brañas) por Un Nadal de soños e hologramas.
• Lara Ferro (5ºB do CEIP Otero Pedrayo da Laracha) por Laura e o Nadal.