A XUNTA CONVOCA AXUDAS PARA FACILITAR A OBTENCIÓN DOS PERMISOS DE CONDUCCION DAS CLASES B,C E D DA MOCIDADE GALEGA
A Xunta de Galicia convoca as axudas para facilitar a obtención dos permisos de conducir das clases B,C e D da mocidade galega, dirixidas ás persoas inscritas no Sistema Nacional de Garantía Xuvenil.
O importe da axuda será de:
400€ para obtención do permiso de clase B
650€ para obtención do permiso de clase C
1300€ para obtención do permiso de clase D.
O importe da axuda será acumulativo no caso de que unha mesma persoa solicite axuda para a obtención de dous ou dos tres permisos obxecto da orde.
BENEFICIARIOS/AS
Poderán ser beneficiarias das axudas as persoas mozas que na data de presentación da súa solicitude cumpran os seguintes requisitos:
a) Teñan cumpridos os 18 anos, sen prexuízo da idade mínima para a obtención dos permisos de clase C e D, e que non superen a idade máxima que estableza a normativa vixente do Sistema nacional de garantía xuvenil, de conformidade co disposto no artigo 97.c) da Lei 18/2014, do 15 de outubro, de aprobación de medidas urxentes para o crecemento, a competitividade e a eficiencia.
b) Estean empadroadas na Comunidade Autónoma de Galicia cunha antigüidade mínima dun ano.
c) Estean inscritas no Sistema nacional de garantía xuvenil e figuren como beneficiarias no ámbito da Comunidade Autónoma de Galicia.
d) Teñan o/os permiso/s para o/os cal/es se solicita a axuda con data de expedición entre o 1 de decembro de 2021 e a data de presentación da solicitude.
PRAZO
O prazo de presentación de solicitudes será dun mes, contado a partir do día 29 de setembro.
Pódese obter máis información neste enlace