Turismo da Laracha

Ver mapa

Centro de interpretación dos muíños de agua da Costa da Morte

Lugar: Igrexario

Parroquia: Golmar


O Centro de Interpretación dos Muíños de Auga da Costa da Morte, encóntrase na casa reitoral de Golmar, situada no lugar do Igrexario. É un edificio emblemático levantado no S.XIX, despois de que o Arcebispado de Santiago de Compostela puxera como condición necesaria e indispensable para outorgar a independencia como parroquia a Golmar, a construción dunha nova vivenda para o frade.

Testemuño da pertenza desta casa reitoral daquela ao mosteiro de San Martiño Pinario é o escudo que aínda se conserva na fachada, na parte superior da porta de entrada.

Por medio de fotografías, mapas, documentos, textos e pezas de muíños, pódense coñecer os diferentes tipos que existen en Galicia e diferenciar entre muíños de canle, cárcava, cubo e acea.

Pódese visitar gratuitamente o museo de martes a sábado de 10:00 a 13:45h e de 15:30 a 18:30h, os domingos de 10:00 a 13:45h. Fora dese horario é imprescindible concertar cita previamente no Concello da Laracha chamando ao 981 605 001.