Igrexa de San Xián de Coiro
Lugar: O Cruceiro
Parroquia: Coiro
De estilo barroco, presenta unha planta rectangular na que se distinguen unha soa nave, presbiterio e sancristía.
Os muros son de carga e sobre eles apóiase unha cuberta a dúas augas, salvo na sancristía, que posúe tres, cunha cuberta de tella curva.
A fachada principal organízase simetricamente e a través dun sistema pentagonal, superpoñéndose no seu eixe vertical central unha porta rematada en arco de medio punto, unha ventá rectangular e, interrompendo a cornixa, unha espadana de dous ocos acabada en pináculos.