Eliminada a pasarela do patio do CEIP Alfredo Brañas de Paiosaco

Durante as vacacións de verán nos centros de ensino estase a aproveitar o cese da actividade educativa para levar a cabo as intervencións oportunas de cara á súa posta a punto para o próximo curso escolar que comezará en setembro. As actuacións que se realizarán durante as próximas semanas foron consensuadas entre todas as partes implicadas: Concello, xefatura territorial de Educación e os equipos directivos dos colexios.

No CEIP Alfredo Brañas de Paiosaco acometéronse a instancias da Consellería de Educación os traballos dirixidos a eliminar a cuberta que existía na zona do patio. Optouse pola retirada desa estrutura xa que presentaba danos, carecía de función e agora presenta espazos e accesos máis libres nese ámbito.

Neste mesmo colexio executarase unha intervención para mellorar as condicións da outra cuberta, a da pasarela que comunica os dous edificios.

Do mesmo xeito que no CEIP Alfredo Brañas de Paiosaco, durante os meses de xullo e agosto tamén se realizarán diferentes actuacións de mellora e mantemento nas instalacións tanto no CEIP Otero Pedrayo da Laracha como no CEIP de Caión.