• Praza do Concello, s/n 15145 A Laracha (A Coruña)
Concello

O Concello mellora tres estradas do núcleo urbano da Laracha

24/06/2020

Nesta semana concluirá a execución do proxecto de mellora de tres rúas no núcleo urbano da Laracha.

O Concello promove esta actuación, a través da que se está a renovar o pavimento nas rúas Arxentina, Santiago e Avenida Bos Aires.

O proxecto inclúe a nova pavimentación dunha superficie total de 6.500 metros cadrados, incluíndo o ámbito de circulación das tres vías e tamén os espazos de aparcamento de vehículos. Completaranse os traballos coa sinalización horizontal e vertical.

A actuación está valorada en máis de 95.000 euros.