Concello
O departamento de servizos sociais ofrecerá atención telefónica durante os festivos de Semana Santa
08/04/2020
Hoxe celebrouse unha nova reunión da comisión de seguimento ante o Covid-19 coa participación do alcalde -José Manuel López Varela-, os catro edís con áreas de xestión delegadas -José Ramón Martínez, Rocío López, Patricia Bello e Jesús Souto-, o xefe da Policía Local e a secretaria e o interventor do Concello.
Unha das cuestións máis destacadas das analizadas na xuntanza foi a situación do departamento de servizos sociais municipal, que é o que está a presentar unha maior carga de traballo durante a alerta sanitaria. Aínda que nos próximos catro días (Xoves e Venres Santos e durante a fin de semana) o edificio administrativo permanecerá pechado, o teléfono de servizos sociais (981612811) continuará operativo para atender cuestións de urxencia e ofrecer atención psicosocial. A partir do luns reforzaranse as quendas de traballo establecidas neste departamento.
Na comisión de seguimento deuse conta, tamén, da coordinación entre o Concello da Laracha es os equipos directivos dos centros de ensino (IES Agra de Leborís e CEIPs Otero Pedrayo, Alfredo Brañas e Caión) para atender calquera necesidade educativa que poida presentar o alumnado.
Material da Xunta de Galicia
O Concello da Laracha recibiu unha terceira remesa de material da Xunta de Galicia composta por guantes, mascarillas, buzos, xel hidroalcohólico e desinfectante.
Dito material xa está a disposición dos traballadores dos servizos esenciais municipais que continúan operativos durante a alarma sanitaria, como os de axuda no fogar, limpeza viaria, recollida de lixo e membros da Policía Local e de Protección Civil.