Deportes
O alcalde recibe no Concello aos sete deportistas máis destacados do club SAL durante a temporada de verán
19/09/2019
José Manuel López Varela, alcalde da Laracha, e Patricia Bello, concelleira de Deportes, recibiron esta tarde no Concello aos sete deportistas máis destacados do Club de Salvamento Acuático Laracha (SAL) durante a temporada de verán que vén de rematar, á presidenta da entidade -Ángela García- e ao adestrador Diego López. O rexedor municipal quixo recoñecer deste xeito os excelentes resultados obtidos nos diferentes campionatos nacionais nos que participaron representando ao propio club, ao Concello da Laracha e a Galicia.
Os principais resultados foron os seguintes:
NOELIA LOUREIRO SERRANO. 18 anos. Categoría Junior.
- Subcampioa de España Junior en 100m rescate con aletas.
- 3ª clasificada de España en 100m socorrista.
- Récord de España en 100m rescate con aletas.
- Campioa de España en relevo sprint coa Selección Galega.
- Subcampioa de España absoluta en 100m rescate con aletas coa Selección Galega.
- Campionato Galego de verán: Campioa galega junior en carreira con ski. Subcampioa galega en Oceanwoman. Terceira clasificada en sprint praia.
- Campionato de inverno: Campioa galega junior nas probas 100m socorrista, 100m combinada, 50m rescate de maniquí, 200m supersocorrista, e subcampiona galega na proba 100m rescate con aletas.
BORJA DIEZ GARCÍA. 22 anos. Categoría Sénior.
- Campión galego absoluto en 200m supersocorrista e 50m rescate de maniquí.
- 2º clasificado en relevo rescate con táboa coa Selección Galega.
- 3º clasificado en relevo salvamento con tubo de rescate coa Selección Galega.
NICOLÁS MOSQUERA MARTÍNEZ. 12 anos. Categoría infantil.
- Campión galego na proba de bandeiras.
- Campión galego en relevo sprint.
- 5º clasificado na proba de bandeiras no Campionato de España.
- 3º clasificado en relevo sprint no Campionato de España.
- Compoñente do equipo que quedou 3º na clasificación xeral no Campionato de España.
ANXO LÓPEZ REY. 12 anos. Categoría infantil.
- Campión galego en relevo sprint-.
- 6º clasificado na proba de bandeiras no Campionato de España.
- 3º clasificado en relevo sprint no Campionato de España.
- Compoñente do equipo que quedou 3º na clasificación xeral no Campionato de España.
ELOY FERREIRO REGUEIRA. 12 anos. Categoría infantil.
- Campión galego relevo sprint.
- 9º clasificado na proba de bandeiras no Campionato de España.
- 3º clasificado en relevo sprint no Campionato de España.
- Compoñente do equipo que quedou 3º na clasificación xeral no Campionato de España.
LUIS NEGREIRA MARIÑO. 11 anos. Categoría infantil.
- Campión galego en relevo sprint.
- 3º clasificado en relevo sprint no Campionato de España.
- Compoñente do equipo que quedou 3º na clasificación xeral no Campionato de España.
PABLO NICOLÁS RODRÍGUEZ LAFUENTE. 12 anos. Categoría infantil.
- Compoñente do equipo que quedou 3º na clasificación xeral no Campionato de España.
O alcalde aproveitou a ocasión para felicitar ao SAL polo labor que realiza durante todo o ano na promoción desta modalidade deportiva e os estilos de vida saudables. Concluíu desexoulles os mellores éxitos de cara á temporada de inverno, durante a que terán a plena cooperación do Concello da Laracha para poder desenvolver os adestramentos nas instalacións do complexo deportivo da piscina municipal, ademais da colaboración organizativa que requiran na súa actividade diaria.