O CONCELLO ACOLLE TRES CHARLAS INFORMATIVAS SOBRE PRODUTOS FITOSANITARIOS
11/03/2016
O Concello da Laracha acollerá a próxima semana tres charlas informativas referentes ao emprego e aplicación de produtos fitosanitarios que impartirá Francisco Otero, enxeñeiro agrónomo e técnico especializado da Consellería de Medio Rural da Xunta de Galicia.
No encontro falarase de temas tan relevantes e actuais como a normativa vixente e informarase sobre os diferentes tratamentos: insecticidas, herbicidas, funxicidas, etc.
A iniciativa vai dirixida á veciñanza en xeral. A participación é gratuíta e non se require de inscrición previa.
A relación de datas, horarios e lugares nos que se realizarán os encontros é a seguinte:
PAIOSACO: CENTRO SOCIOCULTURAL. Martes 15 Marzo, 10:30 h (veciños de Coiro Erboedo Lestón e Soandres).
A LARACHA: CASA DA CULTURA. Martes 15 Marzo, 12:00 h (veciños de Cabovilaño, Caión, Lemaio, Lendo, Soutullo, Torás e Vilaño).
MONTEMAIOR: HOSPITAL DOS PEREGRINOS (STA. MARGARIDA). Mércores 16 Marzo, 11:00 h (veciños de Golmar e Montemaior).
Por outra banda, o Concello da Laracha tamén acollerá en próximas datas un curso para a obtención do carné de manipulador-aplicador de produtos fitosanitarios, neste caso dirixido exclusivamente a profesionais que sexan titulares de explotacións agrarias ou gandeiras ou solicitantes da PAC. Tamén poderán realizalo vendedores ambulantes. A preinscrición debe formalizarse acudindo ao Concello da Laracha.
