Entregados os premios do Concurso de Postais de Nadal

O alcalde da Laracha, José Manuel López Varela, e a concelleira de Ensino, Cultura e Deportes, Patricia Bello, fixeron entrega dos doce agasallos aos premiados no concurso de postais de Nadal organizado polo Concello e no que se convidou a participar ao alumnado dos tres colexios do termo municipal. O acto celebrouse esta tarde na Casa da Cultura da Laracha.

En todos os casos os premios consistiron en libros, material educativo e xogos adaptados ás idades dos gañadores.

O xurado que valorou todos os traballos presentados e outorgou os premios estivo formado por persoal técnico municipal -animadora cultural e mestra da actividade de manualidades e debuxo- e representantes dos CEIPs Otero Pedrayo da Laracha, Alfredo Brañas de Paiosaco e Caión.

Esta é a relación de premiados por categorías:

Categoría A (Educación Infantil, premios de carácter colectivo ás aulas):

• 4º e 5º de Educación Infantil do CEIP de Caión.
• 5º de Educación Infantil do CEIP Alfredo Brañas.
• 6º de Educación Infantil do CEIP Otero Pedrayo.

Categoría B (1º e 2º de Primaria):

• Julia Felípez Pallas (2º Primaria do CEIP Otero Pedrayo).
• Mael Lodeiro (2º de Primaria do CEIP Alfredo Brañas).
• Olivia Sánchez Escobar (2º de Primeria do CEIP de Caión).

Categoría C (3º e 4º de Primaria):

• Alejandra Calvo Fernández (3º de Primaria do CEIP Otero Pedrayo).
• Valeria Rojo Pérez (4º de Primaria do CEIP de Caión).
• Julia Leis Ambroa (3º de Primaria do CEIP Alfredo Brañas).

Categoría D (5º e 6º de Primaria):

• Iker Rega Castro (6º de Primaria do CEIP Alfredo Brañas).
• Lucas Corbalán Álvarez (6º de Primaria do CEIP Otero Pedrayo).
• Vida Fernández Gorín (5º de Primaria do CEIP de Caión).