A Cabalgata dos Reis Magos será un percorrido de dous días polas trece parroquias da Laracha

Os Reis Magos volverán percorrer as trece parroquias do Concello na cabalgata de dous días que se vai realizar o 4 e o 5 de xaneiro.

Todos os nenos empadroados e maiores de dez anos de idade que desexen acompañar como paxes a Melchor, Gaspar e Baltasar, poden anotarse ata as 12:00 horas do día 2 de xaneiro. Para iso deberán acudir ao Concello ou cubrie en liña este FORMULARIO.

No momento da preinscrición é preciso escoller unha das dúas quendas, ben a do día 4 (percorrido polas parroquias de Torás, Coiro, Soutullo, Golmar, Montemaior, Soandres e Erboedo) ou a do día 5 (Vilaño, Cabovilaño, Lemaio, Torás, Lendo, Caión e Lestón).

No caso de rexistrarse máis solicitudes que prazas dispoñibles, para outorgalas realizaríase un sorteo público o xoves 2 de xaneiro ás 13:00 horas no Salón de Plenos do Concello.