Concello
Sorteadas as mesas electorais para os comicios autonómicos do 18 de febreiro
22/01/2024
Hoxe celebrouse o Pleno extraordinario no que foron sorteadas as mesas electorais para os comicios ao Parlamento de Galicia que se celebrarán o 18 de febreiro.
Nos próximos días enviaranse as notificacións con acuse de recibo ás persoas elixidas por sorteo como presidentes e vogais, titulares e suplentes, das mesas que se constituirán no municipio. Cabe lembrar que a condición de membro da mesa electoral ten carácter obrigatorio e os motivos que impidan a aceptación do cargo deben xustificarse documentalmente ante a Xunta Electoral.
No Pleno extraordinario de hoxe D. José Suárez García tomou posesión como concelleiro do grupo municipal do PSdeG-PSOE.
Este xoves -25 de xaneiro- celebrarase a sesión ordinaria do Pleno correspondente ao mes de xaneiro.
