Concello
O CONCELLO E O HOSPITAL VETERINARIO XAROPE COLABORAN COA ASOCIACIÓN AMIGOS DE LOS PERROS
12/01/2017
O Concello da Laracha e o Hospital Veterinario Xarope doaron á Asociación Amigos de los Perros de Carballo 360 quilos de pienso co dobre obxectivo de colaborar coa citada entidade e mostrar o seu apoio ao labor que están a desenvolver en diferentes municipios da comarca de Bergantiños.
O alcalde, José Manuel López Varela, o tenente alcalde, José Ramón Martínez Barbeito, e Luis González –en representación da clínica-, fixeron entrega dos sacos de comida para os cans a Jacinto Codosero, responsable da entidade, nas propias instalacións do centro veterinario, situadas na larachesa rúa Santa Lucía.
A Asociación Amigos de los Perros xestiona un centro de acollida e realiza unha importante función de recollida de cans abandonados na Laracha e noutros municipios próximos.
Ademais, esta entidade ofrece a posibilidade a calquera particular que así o desexe de adoptar cans con todas as vacinas ao día e o correspondente microchip.
