Concello
A Xunta de Goberno adxudica a execución do proxecto de mellora viaria na parroquia de Montemaior
05/05/2022
Na Xunta de Goberno Local celebrada hoxe foi adxudicada a execución dun novo proxecto de mellora da rede viaria en Montemaior valorado en 95.000 euros.
A actuación afecta a varias estradas da parroquia que suman unha distancia lineal próxima aos doce quilómetros.
Nas vías dos núcleos e nos accesos a O Batalo, Bardenlos e A Ferreira serán melloradas a superficie de rodadura dos vehículos, a rede de recollida de augas pluviais e as cunetas. Ademais, realizaranse as sinalizacións viarias oportunas, tanto horizontal como vertical, nos puntos nos que así sexa necesario.
No lugar de Casaslongas a intervención afectará a tres camiños e consistirá no aporte dunha nova capa de agloramerado para facilitar a circulación.
No núcleo de O Lorteiro ademais da renovación do firme tamén se contempla o acondicionamento dos sobreanchos para habilitar máis prazas de estacionamento e a correspondente sinalización.
Por último, en Pazos tamén será mellorada a superficie de rodadura dos vehículos incluíndo nova sinalización horizontal e vertical.
