Concello
O Concello programa un programa de tres “Andainas na Primavera”
16/04/2022
O Concello abrirá o luns a inscrición para participar no programa Andainas na Primavera que inclúe tres tres rutas realizarán por espazos naturais de Bergantiños e de Costa da Morte co propósito de ofrecer á cidadanía unha alternativa de aproveitamento do tempo libre e, ao mesmo tempo, potenciar os estilos de vida saudables coa promoción da actividade física.
A primeira cita será a Ruta da auga polo municipio de Zas o día 24 de abril. Nun percorrido de dificultade moderada e cunha distancia de 9,66 km, o fío condutor sempre será a auga e os participantes poderán desfrutar da presenza de varios muíños e fervenzas como as de Budián, Parga e O Rabiñoso. A saída do bus será desde a Praza do Concello da Laracha ás 9:30 horas.
O domingo 8 de maio será a quenda para a ruta Sendeiro Laxe – Traba, de dificultade baixa e unha distancia de 7,12 km a carón do mar e bordeando a costa de Laxe, Soesto e Traba. O bus sairá, tamén, ás 9:30 horas.
O programa pecharase o domingo 22 de maio cunha ruta entre Caión e Baldaio. Trala saída do autobús desde a Praza do Concello ás 10:00 horas, partirase desde o centro sociocomunitario de Caión, percorrerase o paseo marítimo e o Sendeiro de Saldoiro para chegar á praia da Arnela e rematar a ruta na Pedra do Sal. O percorrido alcanza os 8 km e presenta dificultade baixa.
A participación vai dirixida en exclusiva a persoas empadroadas no termo municipal da Laracha. As inscricións son gratuítas e poden formalizarse desde o luns acudindo á Casa do Concello ou chamando ao 981605001.
