Concello
Concedida a licenza urbanística para a construción dunha nova nave industrial no parque empresarial
21/01/2022
Na última sesión ordinaria da Xunta de Goberno Local concedeuse a licenza de obra para a construción dunha nave industrial no parque empresarial da Laracha.
A nova edificación estará composta por dous volumes de diferentes alturas e contará cunha superficie total de 2.605 metros cadrados. Levantarase nunha parcela que alcanza os 7.490 metros cadrados.
Esta nave destinarase, principalmente, a almacenamento e tamén disporá de oficinas para a xestión da propia actividade que se desenvolverá nela.
O Concello mostra a súa satisfacción por conceder esta nova licenza urbanística que permitirá continuar enchendo de actividade o polígono industrial e crear novas oportunidades para beneficiar o movemento económico e xerar emprego no termo municipal.
