A conselleira de Medio Ambiente e Ordenación do Territorio, Beatriz Mato, e o alcalde da Laracha, José Manuel López, asinaron o convenio de colaboración para a ampliación e mellora da Edar da localidade.
A conselleira de Infraestruturas e Vivenda trasladoulle durante unha reunión de traballo ao alcalde da Laracha que a Xunta de Galicia construirá dúas sendas na estrada A Coruña-Cee (AC-552), que unirán as localidades de Paiosaco, A Laracha e o Cancelo.
Profesionais dos diferentes sectores relacionados coa seguridade cidadá estarán o sábado na Laracha para ofrecer á cidadanía unha xornada explicativa sobre o seu labor e formativa para que a veciñanza poida aprender cuestións básicas no caso de atoparse ante situacións de emerxencia.
O alcalde do Concello da Laracha e a concelleira responsable da área de deportes recibiron na Casa Consistorial aos xogadores, corpo técnico e equipo directivo do Club Baloncesto Laracha M3 tras proclamarse campións da Copa Primavera.
O xefe territorial de Educación na provincia da Coruña, Indalecio Cabana, acudiu o luns 13 de xuño ao Concello da Laracha despois de que o alcalde, José Manuel López Varela, solicitase a súa presenza coa finalidade de abordar a cuestión do CEIP Alfredo Brañas de Paiosaco.
A petición do alcalde do Concello da Laracha, o presidente de Portos de Galicia desprazouse o martes 14 de xuño ata Caión para manter unha reunión de traballo cos representantes municipais e cos responsables da Confraría de Pescadores e da empresa que está a desenvolver as obras de emerxencia no peirao desta localidade.
A Casa da Cultura da Laracha acollerá este xoves (2 de xuño) a partir das 20:30 horas unha sesión informativa sobre a nova convocatoria de axudas do Fondo Europeo Marítimo e de Pesca (FEMP) 2014-2020 que será impartida por representantes do Grupo de Acción Local do Sector Pesqueiro (GALP) da Costa da Morte.
O Pleno da Corporación municipal da Laracha reuniuse o venres 27 na sesión ordinaria correspondente ao mes de maio. A orde do día estivo composta por doce puntos, a maioría dos cales atendían a meros trámites administrativos.
O Concello da Laracha está a habilitar unha nova infraestrutura vinculada ao punto limpo da Laracha e que consiste na creación dun novo depósito para o almacenamento temporal de residuos de materia vexetal e tamén de plásticos de silo e invernadoiros.
O deporte tomará as rúas da Laracha este sábado, día 4 de xuño, coa celebración do Día do Deporte, un dos habituais eventos na programación municipal que este ano alcanza a súa oitava edición.
O Concello da Laracha organizará unha excursión á feira da localidade portuguesa de Vilanova da Cerveira que se vai realizar o sábado día 18 de xuño.
Os catro grupos políticos con representación na Corporación municipal da Laracha acordaron, na sesión extraordinaria do Pleno celebrada o 20 de maio, aprobar por unanimidade a proposta do goberno local de prestar conformidade ao convenio de colaboración co organismo Augas de Galicia para ampliar as instalacións e mellorar o tratamento na estación depuradora de augas residuais (EDAR) de O Formigueiro.
