A quinta edición do trofeo de baloncesto memorial José Antonio Vega celebrarase o domingo día 3 de xaneiro no Concello da Laracha, consolidándose como unha referencia provincial deste deporte durante o Nadal.
O programa de actividades de Nadal que organiza o Concello da Laracha xa está en marcha.
O 10 de decembro desenvolveuse no baixo da biblioteca municipal da Laracha a primeira das catro sesións que compoñen o Obradoiro de Risoterapia que organizan o Concello da Laracha e a Asociación de Familiares de Alzhéimer de Bergantiños. Participaron unha quincena de persoas.
O proxecto de ampliación da anchura, renovación da capa de rodadura e reforzamento da seguridade viaria na estrada da parroquia de Montemaior que comunica a vía provincial DP-2404 (A Laracha-A Silva) co núcleo de A Baiuca concluiranse nos próximos días, unha vez estean completada a última fase das obras, consistente na pavimentación con aglomerado asfáltico da citada estrada e a posterior sinalización horizontal e vertical.
A Xunta Local de Seguridade reuniuse o 11 de decembro no salón de Plenos da Casa Consistorial nunha xuntanza que estivo copresidida polo alcalde do Concello da Laracha, José Manuel López Varela, e o Subdelegado do Goberno na provincia da Coruña, Jorge Atán.
Nos próximos días concluirase a campaña de poda das árbores situadas ao longo da estrada CP-1913 ao seu paso polo Concello da Laracha.
O Concello da Laracha está a ultimar o contido do programa de eventos e actividades de Nadal, que contará con propostas para todos os públicos desde finais de ano e ata a Cabalgata dos Reis Magos do 5 de xaneiro, coincidindo coas vacacións nos centros de ensino.
O goberno local da Laracha levará á próxima sesión do Pleno a proposta de aprobación provisional da modificación puntual número 4 do Plan Xeral de Ordenación Municipal (PXOM) necesaria para o desenvolvemento do proxecto de posta en valor do patrimonio histórico-cultural do Concello da Laracha.
O Concello da Laracha está a executar o proxecto que ten por finalidade mellorar as condicións e a seguridade da estrada O Areal-Maseo –zona limítrofe con Arteixo-, que comunica a vila de Paiosaco –desde a estrada AC-552 e a través das parroquias de Lestón, Coiro, Erboedo e Soandres- coa AC-523 e, por tanto, tamén coa terceira rolda de acceso á Coruña e a Alvedro.
A Xunta de Goberno Local do Concello da Laracha acordou na sesión ordinaria do 27 de novembro adxudicar as axudas municipais á escolarización aceptando a proposta da Comisión de Valoración, que durante as últimas semanas analizou e avaliou a totalidade das máis de setecentas solicitudes presentadas.
O 25 de novembro, na xornada na que se celebrou o Día Internacional da eliminación da violencia contra as mulleres, 170 alumnos e alumnas de 4º, 5º e 6º de primaria dos CEIP Otero Pedrayo da Laracha, Alfredo Brañas de Paiosaco e Caión participaron na primeira edición da Festa da Igualdade que se desenvolveu hoxe en horario escolar, de 10:00 a 14:00 horas, no pavillón polideportivo de Paiosaco.
O goberno local da Laracha está a ultimar a súa proposta para destinar o fondos que lle corresponden ao noso Concello da anualidade 2016 do Plan provincial de cooperación ás obras e servizos de competencia municipal (POS) e do Plan de Acción Social (PAS), programas promovidos pola Deputación da Coruña.
