O Pleno da Corporación municipal da Laracha, reunido o mércores 28 de decembro en sesión extraordinaria, acordou aprobar os orzamentos xerais municipais para o exercicio económico 2017, así como o límite de gasto non financeiro e o cadro de persoal.
A actuación é cofinanciada pola Consellería de Política Social da Xunta de Galicia a través das subvencións destinadas á mellora da accesibilidade nos edificios e espazos de uso público, cofinanciadas polo programa operativo Fondo Europeo de Desenvolvemento Rexional Galicia 2014-2020 (DOG número 149 do 8 de agosto de 2016).
Os membros do xurado dos concursos de Nadal de postais e de conto convocados polo Concello da Laracha reuníronse o venres 16 de decembro na biblioteca municipal da Laracha, onde valoraron os máis de trescentos traballos presentados entre ambos certames polos alumnos de todos os centros de educación infantil e primaria que existen no municipio.
Con motivo da celebración das festas do Nadal, o Concello da Laracha volve organizar o seu programa de actividades específico para estas datas por medio do que se pretenden alcanzar varios obxectivos diferentes e complementarios: fomentar o espírito do Nadal entre a poboación do municipio, ofrecer propostas de ocio -especialmente dirixidas aos nenos para axudar á conciliación das súas familias- e apoiar economicamente tanto ao comercio local como ás asociacións culturais e coros parroquiais por medio dos certames de escaparates e de panxoliñas.
O Centro de Información ás Mulleres (CIM) da Laracha, en colaboración co CIM do Concello de Arteixo, organiza unha visita á Casa Grande de Xanceda, empresa de referencia no sector lácteo ecolóxico e radicada na localidade de Mesís.
A sesión ordinaria do Pleno da Corporación municipal da Laracha celebrada o 25 de novembro comezou coa lectura por parte do alcalde, José Manuel López Varela, dun manifesto asinado polos catro grupos políticos en conmemoración do Día internacional para a eliminación da violencia contra as mulleres.
En conmemoración do Día internacional para a eliminación da violencia contra as mulleres, que se celebra o 25 de novembro, o Concello da Laracha organizou a II Festa da Igualdade que se desenvolveu no pavillón do CEIP Alfredo Brañas de Paiosaco e na que participaron 190 alumnos de 5º e 6º de primaria dese mesmo centro de ensino, do CEIP Otero Pedrayo da Laracha e do CEIP de Caión.
En conmemoración do Día Internacional para a eliminación da violencia contra as mulleres que se celebrará o venres 25 de novembro, o Concello da Laracha iniciou o desenvolvemento dun amplo programa de eventos, obradoiros e actividades relacionado con esta temática
O Concello da Laracha, a través do Centro de Información ás Mulleres (CIM), comezou a desenvolver nos centros de ensino os obradoiros de promoción da igualdade de oportunidades entre mulleres e homes e de prevención e tratamento integral da violencia de xénero.
José Manuel López Varela e Rocío López recibiron de mans de Jesús Villar, presidente da (AFABER), o certificado de Concello declarado solidario co alzheimer.
Na fin de semana do 12 e 13 de novembro, o pavillón do IES Agra de Leborís da Laracha acollerá a 4ª edición da Feira Multisectorial de oportunidades que organizan a Asociación de Comercio, Servicios e Industria da Laracha (ACSIL) en colaboración co Concello da Laracha.
.jpg)
