O Concello da Laracha abriu a inscrición nos diferentes cursos, obradoiros e escolas deportivas municipais que conforman a ampla oferta incluída no programa de actividades de inverno 2016/2017. En total haberá trinta e dúas propostas, das cales vinte serán para adultos e outras doce, para nenos.
O Concello da Laracha ten previsto concluír nos próximos días o procedemento de contratación das actuacións que inclúe o proxecto de mellora da sinalización dos principais recursos turísticos municipais.
A Dirección Xeral de Mobilidade, dependente da Consellería de Infraestruturas e Vivenda da Xunta de Galicia, vén de notificar ao Concello da Laracha os datos oficiais da liquidación das achegas municipais correspondentes á anualidade 2015 do Plan de Transporte Metropolitano.
Na Xunta de Goberno Local celebrada o 29 de setembro as cuestións máis relevantes que foron aprobadas consistiron na solicitude de participación do Concello da Laracha en programas convocados pola Xunta de Galicia para colaborar nos gastos derivados do funcionamento e retribucións do persoal laboral municipal do Centro de Información ás Mulleres (CIM) e da Axencia de Emprego e Desenvolvemento Local.
No Pleno ordinario celebrado o 30 de setembro, a Corporación Municipal da Laracha acordou aprobar a conta xeral do exercicio económico 2015, que se pechou cun incremento próximo ao 19% con respecto á magnitude inicialmente orzamentada.
As actuacións de mellora da estrada provincial DP-0513 (Paiosaco-Caión) que se levarán a cabo nas xornadas de mañá xoves e o venres suporán restricións temporais ao tráfico no tramo desta vía entre A Barreira e Corteo.
O BOP publicou o 26 de setembro as bases da convocatoria do Concello da Laracha referida ás axudas ás familias para a escolarización dos seus fillos do curso escolar 2016-2017.
O obradoiro A Laracha-Arteixo: colaborando polo emprego III comezou a desenvolverse o mércores 21 de setembro coa procura de mellorar a empregabilidade dos participantes, crear postos de traballo e mellorar as infraestruturas públicas de titularidade municipal.
A concelleira Rocío López desprazouse o 16 de setembro ata a sede da Academia Galega de Seguridade Pública para recibir a embarcación a motor de rescate e salvamento que foi cedida gratuitamente pola Axencia Galega de Emerxencias, representada no acto polo Director xeral de Emerxencias e Interior, Luis Menor Pérez.
O sorteo para a formación das listas do Tribunal do Xurado da provincia da Coruña celebrarase o mércores 28 de setembro ás 12:00 horas na Sala de Xuntas da Oficina do Censo Electoral (rúa Adelaida Muro, 12. A Coruña).
Na última reunión da Xunta de Goberno Local acordouse que o Concello da Laracha solicitará a colaboración económica da Consellería de Política Social da Xunta de Galicia para o financiamento do proxecto de construción de beirarrúas na rúa Eusebio Bértoa Queijo, situada no casco urbano da capital municipal.
José Manuel López Varela, alcalde do Concello da Laracha, desprazouse o 7 de setembro ao complexo administrativo da Xunta de Galicia en San Caetano para asinar co conselleiro de Política Social, José Manuel Rey, o convenio de colaboración que permitirá a construción do centro sociocomunitario de Caión.
