Ao longo do ano 2016 a entidade que xestiona tanto as instalacións do punto limpo da Laracha como o servizo de recollida de voluminosos a domicilio -a Asociación de Pais de Discapacitados Psíquicos de Bergantiños (Aspaber)- atendeu a máis de 1.500 usuarios.
A Casa da Cultura da Laracha acolleu hoxe o acto de presentación das accións formativas que se impartirán baixo a organización do Concello da Laracha e da Cámara Oficial de Comercio, Servicios, Industria y Navegación de A Coruña. A finalidade esencial destes programas é ampliar os coñecementos e capacidades profesionais de mozos de entre 18 e 30 anos de idade para mellorar a súa empregabilidade e ofrecerlles novas posibilidades de integración no mercado laboral.
O departamento de Intervención do Concello da Laracha vén de emitir o informe relativo ao período medio de pagamento ao provedores do cuarto e último trimestre do ano 2016, que unha vez máis reflicte a boa situación económico-financeira.
José Ramón Martínez Barbeito, tenente alcalde do Concello da Laracha, asistiu hoxe ao acto de clausura do curso de comercialización e venda electrónica que se desenvolveu no edificio de servizos múltiples da capital municipal durante os últimos días.
O Concello da Laracha está a completar o procedemento de contratación dunha serie de proxectos de mellora das infraestruturas públicas municipais que alcanzan en total os 910.000 euros de investimento. As obras acometeranse en once das trece parroquias, afectando tanto a puntos dos núcleos urbanos como a zonas rurais.
O Concello da Laracha deu por rematadas recentemente as obras de construción da estrutura, as gradas e as pistas do novo pavillón do CEIP Ramón Otero Pedrayo e puxo as instalacións a disposición do centro para ser empregadas polos alumnos do colexio en horario escolar. Durante as próximas semanas tamén se irá trasladando a este lugar a actividade de varias escolas deportivas municipais como as de baloncesto, patinaxe e fútbol sala.
O Concello da Laracha e o Hospital Veterinario Xarope doaron á Asociación Amigos de los Perros de Carballo 360 quilos de pienso co dobre obxectivo de colaborar coa citada entidade e mostrar o seu apoio ao labor que están a desenvolver en diferentes municipios da comarca de Bergantiños.
A oficina municipal de información ao consumidor (OMIC) da Laracha –situada na Casa do Concello- está a disposición de toda a veciñanza para ofrecer información e asesorar sobre os pasos que se deben seguir no procedemento específico das reclamacións relativas á inclusión das cláusulas chan nos créditos hipotecarios.
O IES Agra de Leborís da Laracha acolle entre o 11 e o 22 de xaneiro a exposición gráfica ilustrada titulada Á Violencia de Xénero… Dille Non!
A Cámara Oficial de Comercio, Servicios, Industria y Navegación de A Coruña, coa colaboración do Concello da Laracha, impartirá nos próximos meses tres accións formativas que teñen por finalidade esencial ampliar os coñecementos e capacidades profesionais dos alumnos para mellorar a súa empregabilidade e ofrecerlles novas posibilidades de integración no mercado laboral.
O Concello da Laracha acollerá a mediados de xaneiro un curso de comercialización e venda electrónica. Trátase dun programa de formación gratuíta que se oferta a través do proxecto Rede Xiana 2, impulsado pola Deputación Provincial da Coruña e financiado polo Fondo Social Europeo.
O xurado da 21ª edición do concurso de escaparates de Nadal –composto por representantes municipais e Concha Iglesias, a presidenta da Asociación de Comercio, Servicios e Industria da Laracha (ACSIL)- que cada ano convoca o Concello da Laracha reuniuse na tarde de onte para visitar e valorar os locais participantes no certame, situados todos eles nas vilas da Laracha e de Paiosaco.
