O Concello da Laracha acollerá a próxima semana tres charlas informativas referentes ao emprego e aplicación de produtos fitosanitarios que impartirá Francisco Otero, enxeñeiro agrónomo e técnico especializado da Consellería de Medio Rural da Xunta de Galicia.
Un ano máis o 8 de marzo únense en todo o mundo voces e vontades para conmemorar o Día Internacional das Mulleres. É un día no que se bota a vista atrás para lembrar dificultades pasadas e logros acadados, pero tamén é un día de ilusión, de proxección, de deseño de novos retos e de exploración das oportunidades que esperan ás actuais e futuras xeracións de mulleres.
No marco do plan municipal de mellora, conservación e mantemento en bo estado da extensa rede viaria municipal, o Concello da Laracha aproveitou as condicións climatolóxicas favorables das dúas últimas xornadas para levar a cabo unha actuación no núcleo de Estramil, situado na parroquia de Torás e moi próximo ao casco urbano da capital municipal.
Nos Campionatos de España de inverno de socorrismo e salvamento acuático nas categorías xuvenil, júnior e absoluto celebrados na localidade alacantina de Torrevieja na fin de semana do 27 e 28 de febreiro volveuse demostrar que o Concello da Laracha é unha potencia nacional neste deporte.
O xefe territorial de Educación na provincia da Coruña, Indalecio Cabana, realizou unha visita aos tres colexios máis importantes de ensino infantil e primario que existen no Concello da Laracha, onde se reuniu cos equipos directivos e representantes do goberno local –entre os que se atopaban o alcalde, José Manuel López Varela, e a concelleira de Educación, Patricia Bello- co obxectivo de coñecer persoalmente as principais necesidades dos centros.
O presidente de Portos de Galicia, José Juan Durán, reuniuse o xoves 18 de febreiro en Caión cunha ampla representación do goberno local do Concello da Laracha –encabezada polo alcalde, José Manuel López Varela- e membros da Confraría de Pescadores da localidade.
O Instituto de Estudos Bergantiñáns vén de finalizar o estudo, redacción, deseño e edición do seu último libro, que será a decimo sétima publicación da colección Andando por Bergantiños e está dedicada ás larachesas parroquias de Torás, Vilaño e Cabovilaño.
Na última sesión da Xunta de Goberno Local celebrada no Concello da Laracha acordouse remitir á Consellería de Economía, Emprego e Industria da Xunta de Galicia propostas para participar en convocatorias de axudas económicas para o desenvolvemento de programas relacionados coa creación de emprego e a mellora das infraestruturas municipais.
O Concello da Laracha comezou o martes 16 de febreiro a operar cos novos orzamentos xerais municipais do exercicio económico 2016 despois de que no día anterior fose publicada no Boletín Oficial da Provincia (BOP) a aprobación definitiva dos mesmos, ademais do límite de gasto non financeiro e do cadro de persoal.
O Concello da Laracha colocará nas prazas públicas, zonas verdes e áreas de esparexemento municipais carteis informativos sobre a obrigatoriedade de levar aos cans atados con correa e de recoller os excrementos, tal e como establece a ordenanza municipal de promoción das condutas cívicas e protección dos espazos públicos.
A secretaria xeral da Igualdade, Susana López Abella puxo en valor o traballo que desenvolve o Centro de Información ás Mulleres da Laracha na loita contra a violencia de xénero, un labor que foi recoñecido recentemente polo Ministerio de Sanidade, Servizos Sociais e Igualdade e a Federación Española de Municipios e Provincias (FEMP) co Premio ás Boas Prácticas Locais.
Na sesión ordinaria do Pleno da Corporación correspondente ao mes de xaneiro celebrada o 29 de xaneiro acordouse, coa única abstención do grupo mixto (Terra Galega), a aprobación con carácter definitivo da incorporación á relación de postos de traballo (RPT) da praza de animador/a cultural.
