Este proxecto farase realidade despois das xestións realizadas polo grupo de goberno local do Concello da Laracha tanto con representantes políticos como cos responsables técnicos da Consellería.
O alcalde da Laracha, José Manuel López Varela, e os edís José Ramón Martínez Barbeito e Jesús Souto, acudiron esta mañá á unidade móbil da Axencia Galega de Doazón de Órganos e Sangue (ADOS) que está na Praza do Concello para doar sangue e sumarse á campaña de verán que se presentou no noso municipio o pasado venres.
A aula lúdica da Laracha é un servizo municipal gratuíto de axuda á conciliación da vida persoal, laboral e familiar das persoas que teñen ao seu cargo nenos de entre tres e doce anos de idade e que o Concello presta no marco do Programa Harmoniza.
Hoxe comezou a décima edición do campus de fútbol, que se desenvolverá en horario de mañá (10:00 a 13:00 horas) ata o sábado nas instalacións do Campo Municipal da Laracha (5 a 10 anos de idade) e do Campo Municipal A Porta Santa de Paiosaco (11 a 16 anos).
O Concello da Laracha iniciou a execución do proxecto de renovación da cuberta do pavillón polideportivo municipal de Xermaña, na parroquia de Caión. A actuación está valorada en preto de 70.000 euros.
O alcalde da Laracha, José Manuel López Varela, e a directora da Axencia Galega de Sangue, Órganos e Tecidos (ADOS), Marisa López, presentaron hoxe no Salón de Plenos do Concello a campaña de verán de doazón de sangue que, como cada ano, contará co impulso e a colaboración municipal.
O Concello da Laracha iniciou a execución do proxecto de ampliación da rede de abastecemento de auga para dotar con este servizo ao núcleo de Erboedo de Abaixo, na parroquia de Erboedo.
O Concello da Laracha abriu o luns 8 de xullo o prazo de inscrición no servizo municipal Madrugadores que comezará a ofertarse ao alumado do CEIP Otero Pedrayo da Laracha, CEIP Alfredo Brañas de Paiosaco e CEIP de Caión desde o inicio do próximo curso escolar 2017-2018.
A capital municipal da Laracha está a ser obxecto de maneira simultánea de dous proxectos –que xa se atopan, ambos, en fase de execución- dirixidos a renovar a rúa Epifanio Campo Núñez –principal punto de actuación-, tres rúas que enlazan con ela –Coruña, Pontevedra e Suíza- e o seu punto de confluencia coas rúas Eusebio Bértoa Queijo e Luís Martínez Vázquez.
A campaña de desbroce das vías municipais xa está en marcha no Concello da Laracha co obxectivo de eliminar a vexetación herbácea nas marxes das estradas. As actuacións comezaron a executarse na parroquia de Caión, incluíndo os accesos á praia por tratarse do ámbito de maior tránsito de vehículos nesta época do ano.
A sociedade Suelo Empresarial del Atlántico (SEA), promotora e propietaria do parque empresarial da Laracha, ten en marcha os labores de limpeza e eliminación da vexetación que creceu ao longo dos últimos meses no ámbito do polígono.
A primeira quenda dos campamentos de verán que, como cada ano, organiza o Concello da Laracha, estase a desenvolver desde o luns e rematará o venres, sendo a praia de Caión o escenario da maioría das actividades que se están a levar cabo cos cincuenta nenos participantes, todos eles de idades comprendidas entre os oito e os once anos.
