Concello da Laracha

29/11/2018

O Pleno aproba por unanimidade os novos nomes para 36 rúas e 6 prazas públicas

A sesión comezou coa lectura por parte do alcalde, José Manuel López Varela, dunha declaración institucional consensuada polos grupos políticos presentes en rexeitamento da violencia de xénero e en apoio ás vítimas desta lacra social, tanto ás mulleres como aos seus familiares, fillos e fillas. A continuación gardouse un minuto de silencio en mostra de recordo e respecto ás corenta e cinco mulleres asasinadas polas súas parellas ou exparellas no que vai de ano en España.
27/11/2018

O alcalde recolleu en Oviedo o premio outorgado por UNICEF ao Concello da Laracha

O Programa Harmoniza larachés -relacionado coa axuda á conciliación da vida persoal, laboral e familiar- resultou distinguido na categoría de “Campañas efectivas dirixidas á mellora do benestar da infancia e a adolescencia”.
24/11/2018

O Concello inicia o procedemento de contratación do proxecto do centro comunitario de Caión

Na reunión da Mesa de Contratación tamén se procedeu á apertura dos sobres coas quince ofertas económicas presentadas polas empresas que aspiran á adxudicación do contrato de mellora da rede viaria nas parroquias de Erboedo, Torás, Lemaio e Vilaño.
23/11/2018

Douscentos nenos e nenas laracheses dixeron non á violencia de xénero na 4ª Festa da Igualdade da Laracha

Tamén se repartiron os premios da segunda edición do concurso fotográfico A Laracha enfoca a igualdade. O domingo, no derbi entre o Laracha C.F. e a U.D. Paiosaco, porase o broche á campaña O deporte do Concello da Laracha. Non á violencia de xénero.
19/11/2018

202 persoas participaron na votación para nomear rúas e prazas públicas da Laracha, Paiosaco e Caión

Desde o Concello da Laracha agradecemos á veciñanza a súa implicación nesta novidosa iniciativa que permitiu que as persoas empadroadas no municipio fosen partícipes cos seus votos na toma de decisións nesta cuestión que é de competencia municipal.
17/11/2018

O Concello da Laracha conmemora o 25 de novembro desenvolvendo unha ampla programación municipal

A principal novidade deste ano será o desenvolvemento da campaña O deporte da Laracha. Non á violencia de xénero. Baixo a organización do Concello, todos os clubs deportivos das diferentes disciplinas e as escolas deportivas municipais serán partícipes desta iniciativa dirixida a visibilizar o pleno rexeitamento da violencia de xénero e a promoción da igualdade de oportunidades entre homes e mulleres.
16/11/2018

O acondicionamento da planta baixo cuberta completa a renovación do edificio administrativo da Laracha

Inclúe a colocación dun revestimento no teito para mellorar as condicións térmicas e sonoras, a renovación da iluminación, o repintado de toda a estancia e a mellora tanto do vestíbulo da entrada como do canón das escaleiras. A continuación será equipada co correspondente mobiliario.
15/11/2018

Rematan as obras da completa mellora da rúa Eusebio Bértoa Queijo

Esta actuación volve a evidenciar a aposta decidida do executivo local pola humanización das rúas no casco urbano da capital municipal, xa que dá continuidade a outros proxectos recentemente executados que permitiron renovar por completo tanto a propia rúa Epifanio Campo Núñez como todo o seu entorno, priorizando o tránsito peonil nesta zona que é unha das áreas residenciais máis importantes do municipio.
10/11/2018

O Concello da Laracha e a Xunta de Galicia cofinanciarán a construción do viveiro de empresas municipal

O edificio municipal xa rematado no polígono industrial e que ía destinarse precisamente a viveiro de empresas será convertido nun centro municipal de emerxencias, formando a base da Agrupación de Voluntarios de Protección Civil e das brigadas de incendios.
09/11/2018

O Pleno mostra o seu apoio unánime aos traballadores de Alcoa cunha declaración institucional

Os festivos locais do ano 2019 serán o Martes de Entroido (5 de marzo) e o venres día 16 de agosto, coincidindo coas festas patronais da Laracha. O 8 de setembro, día da Romaría dos Milagres de Caión e festivo habitual no Concello da Laracha, coincidirá en domingo no próximo ano.
03/11/2018

O Concello crea unha aula de informática e mellora o arquivo no edificio de usos administrativos

Neste edificio están instalados ao completo desde hai varios anos as dependencias da Policía Local, o Centro de Información ás Mulleres e os departamentos municipais de Servizos Sociais, Promoción Económica e Turismo. Ademais, no soto conta cun arquivo e nas súas plantas superiores acolle a parte teórica dos obradoiros de emprego e diversidade de cursos formativos de interese para a veciñanza da Laracha.
03/11/2018

A ruta ‘Paiosaco sabe a tapas’ celebrarase do 9 ao 11 de novembro

Os nove establecementos que forman parte do programa serán Café Bar Balbís, Bar Parrillada O Fogón da Pía, Cervecería Norte, Café Bar A Eira, Café Bar Bello Campo, Café Bar Lestón, Cervecería O Cepo, Cafetería Cervecería Suiza e Cafetería Trevi. Todos eles están situados na propia vila de Paiosaco ou en lugares próximos tamén situados na parroquia de Lestón.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía