Concello da Laracha

27/10/2018

O Concello realizará unha consulta popular para renomear ou bautizar por primeira 36 rúas e unha praza pública

Nos próximos días o cuestionario coa consulta popular será publicado na páxina web e nas redes sociais oficiais do Concello da Laracha. O prazo de votación será en torno aos quince días e convidarase a participar a todos os veciños que sexan maiores de dezaoito anos de idade. A previsión é elevar ao Pleno ordinario do mes de novembro (que se celebrará o xoves día 29) os cambios nos rueiros en base aos resultados desta consulta popular.
27/10/2018

O Concello renova o parque infantil do Campo da Feira de Paiosaco

O proxecto está valorado en 44.000 euros, dos cales o Concello da Laracha asume con fondos propios municipais o corenta por cento. A parte restante será achegada pola Vicepresidencia e Consellería de Presidencia, Administracións Públicas e Xustiza da Xunta de Galicia ao abeiro da convocatoria de subvencións para a creación ou mellora de infraestruturas, dotacións, instalacións e equipamentos vinculados á prestación de servizos municipais.
26/10/2018

UNICEF premia ao Programa Harmoniza da Laracha no 9º certame de boas prácticas en dereitos da infantil e política municipal

A cerimonia de entrega destes recoñecementos de UNICEF terá lugar o 27 de novembro en Oviedo. Desde o Concello da Laracha unha vez máis mostramos o noso orgulloso porque una entidade como UNICEF mostre deste xeito o seu respaldo e impulso aos proxectos municipais que estamos a desenvolver no apoio á conciliación das familias e na cooperación na educación dos nenos en corresponsabilidade, igualdade de oportunidades e rexeitamento de calquera tipo de violencia.
24/10/2018

74 alumnos de segundo de primaria do CEIP Otero Pedrayo visitaron o Concello

A actividade que se realizou hoxe tivo por finalidade que os alumnos puidesen coñecer como é o traballo dos profesionais que desempeñan o seu labor diario no Concello da Laracha e que coñecesen a Casa Consitorial, á que o alcalde lles convidou “a volver cando queirades porque esta é a casa de todos”.
23/10/2018

A obra de renovación dos pasos de peóns das Avenidas Fisterra e Bergantiños entra na súa fase final

O obxectivo deste proxecto é xerar nesta estrada, vertebradora das comunicacións en ambas vilas, itinerarios peonís máis seguros para todos os viandantes -en especial para as persoas con diversidade funcional e as que requiren necesidades especiais- debido á supresión de barreiras arquitectónicas, polo que o proxecto tamén presenta un carácter social.
18/10/2018

En marcha as obras do novo proxecto de mellora dos accesos ao parque empresarial da Laracha

Este proxecto está valorado en 120.000 euros e é cofinanciado entre o Concello da Laracha e a Consellería de Economía e Industria da Xunta de Galicia ao abeiro do programa de habilitación e mellora das infraestruturas dos parques empresariais públicos galegos.
17/10/2018

Asinado o convenio entre o Concello e o C.B. Laracha para xestionar as Escolas Municipais de Baloncesto

O acordo rubricado establece que o Concello da Laracha subvencionará o cincuenta por cento do custe da actividade de cada participante. Por tanto, da cota de trinta euros mensuais fixada polo club, os rapaces soamente deberán aboar quince euros.
16/10/2018

O Concello instala mesas interpretativas para invidentes en cinco puntos turísticos do municipio

Faise coa colaboración económica da Axencia de Turismo de Galicia ao abeiro do programa de axudas ás entidades locais deste ano 2018 para a realización de melloras nas infraestruturas turísticas.
16/10/2018

O Concello e a Xunta subvencionaron 95.186 viaxes no último ano no marco do Plan de Transporte Metropolitano

Practicamente dous terzos desas viaxes (en concreto, 60.007) foron no traxecto entre calquera das paradas de autobús do Concello da Laracha e a cidade da Coruña ou viceversa. Arteixo (13.912) e Carballo (10.432) son os outros dous municipios con maior número de viaxes bonificadas.
15/10/2018

19 mozos participan nas accións formativas que desenvolve a Cámara de Comercio no Concello da Laracha

Dirixidas a rapaces menores de 30 anos de idade que se atopan en situación de desemprego e están inscritos no Ficheiro Nacional de Garantía Xuvenil. A finalidade esencial é ampliar os coñecementos e capacidades profesionais dos alumnos para mellorar a súa empregabilidade e ofrecerlles novas posibilidades de integración no mercado laboral.
11/10/2018

Adxudicado o novo contrato de mantemento das zonas verdes municipais

Este contrato inclúe en total 48 ámbitos que alcanzan unha superficie conxunta superior aos 90.000 metros cadrados. Trátase das principais áreas recreativas e de descanso das parroquias, así como das prazas e parques públicos dos núcleos urbanos, os paseos fluviais e o marítimo de Caión e as contornas dos edificios e instalacións municipais.
08/10/2018

A mesa educativa e sanitaria sobre violencia de xénero consensúa o programa a realizar nos centros de ensino

Anunciouse tamén a incorporación á mesa do xuíz do Xulgado de Primeira Instancia e Instrución número 1 de Carballo, competente en materia de violencia sobre a muller.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía