A primeira quenda dos campamentos de verán que, como cada ano, organiza o Concello da Laracha, estase a desenvolver desde o luns e rematará o venres, sendo a praia de Caión o escenario da maioría das actividades que se están a levar cabo cos cincuenta nenos participantes, todos eles de idades comprendidas entre os oito e os once anos.
O Concello da Laracha presenta o completo programa municipal de actividades de verán que se desenvolverá durante os meses de xullo e de agosto e que inclúe un total de dezasete propostas culturais, deportivas e de ocio. Como cada verán o Concello dará continuidade ás actividades mellor valoradas polo público en anteriores edicións en base ás cifras de participación rexistradas nos cursos pasados e á aceptación que tiveron pola veciñanza en xeral, adamais de incorporar novas iniciativas.
A Escola Municipal de Baloncesto da Laracha (EMBAL) rematará nesta semana a actividade da temporada 2016-2017, na que se bateu o récord de participantes. Para despedir o curso realizáronse a tradicional foto de familia xunto aos adestradores e representantes municipais.
O Laracha C.F. (directiva, corpo técnico e xogadores) foi recibido no Concello por unha ampla representación do goberno local encabezada polo alcalde, José Manuel López Varela.
O alcalde recibiu no Concello á U.D. Paiosaco despois de alzarse coa Copa da Coruña, a terceira na historia da entidade.
Alfonso Rueda, vicepresidente da Xunta de Galicia, Ovidio Rodeiro, delegado territorial da Xunta na provincia da Coruña, e Marta Fernández Tapias, directora xeral de Administración Local, visitaron hoxe o Concello da Laracha, onde se reuniuron cunha ampla representación do goberno local encabezada polo alcalde, José Manuel López Varela.
Por sétimo ano consecutivo o Concello da Laracha organiza a Masterclass de aeróbicos, unha das citas deportivas de referencia na programación municipal durante a primavera, que se celebrará o próximo sábado, día 6 de maio entre as 17:30 e as 19:30 horas no pavillón do IES Agra de Leborís.
Despois das excelentes experiencias dos últimos veráns, o Concello da Laracha volverá organizar, por cuarto ano consecutivo, un campo de traballo internacional, iniciativa que se levará a cabo na primeira quincena do mes de agosto coa colaboración da Dirección Xeral de Xuventude, Participación e Voluntariado, dependente da Consellería de Política Social da Xunta de Galicia.
Caión será este sábado a referencia do patinaxe artístico en Galicia coa celebración, no pavillón polideportivo de Xermaña, do campionato federativo “Xunta 2017” de todas as categorías desta modalidade deportiva.
As obras referidas á urbanización exterior e á mellora do equipamento do pavillón do CEIP Ramón Otero Pedrayo da Laracha xa están en fase de execución. José Manuel López Varela, alcalde do Concello da Laracha, Jesús Souto, edil de Urbanismo e Obras Públicas, comprobaron persoalmente o desenvolvemento das primeiras actuacións previstas. Os traballos estanse acometendo sen interferir na actividade que se desenvolve tanto no polideportivo como no propio recinto do colexio.
José Manuel López Varela, alcalde da Laracha, encabezou a representación do goberno local que recibiu no Concello ao equipo directivo, adestradores e os preto de medio centenar de deportistas do Club de Salvamento Acuático Laracha (SAL). O rexedor municipal quixo recoñecer deste xeito os excelentes resultados obtidos nos diferentes campionatos de inverno nos que participou o club nas últimas semanas, sempre representando ao Concello da Laracha.
O Concello da Laracha investirá con fondos propios municipais a cantidade de 60.000 euros na mellora do equipamento e na urbanización exterior do pavillón do CEIP Ramón Otero Pedrayo da Laracha. A recente entrada en vigor dos novos orzamentos xerais municipais permite agora dispoñer das partidas económicas contempladas para tal fin cando foron deseñados os presupostos no pasado mes de decembro.
