O NOVO PAVILLÓN DO CEIP RAMÓN OTERO PEDRAYO DA LARACHA XA ESTÁ A DISPOSICIÓN DO CENTRO

O Concello da Laracha deu por rematadas recentemente as obras de construción da estrutura, as gradas e as pistas do novo pavillón do CEIP Ramón Otero Pedrayo e puxo as instalacións a disposición do centro para ser empregadas polos alumnos do colexio en horario escolar. Durante as próximas semanas tamén se irá trasladando a este lugar a actividade de varias escolas deportivas municipais como as de baloncesto, patinaxe e fútbol sala.