Participan trece establecementos (tres máis que no primeiro concurso), que en todos os casos deberán elaborar as súas tapas con froitas, verduras e legumes e ofrecelas ao público ao prezo de 1 euro o venres (de 19:00 a 22:00 h), sábado (11:30 a 15:00 e 19:00 a 22:00 h) e domingo (11:30 a 15:00 h).
O evento foi presentado no Concello nun acto presidido polo alcalde, José Manuel López Varela, e no que estiveron presentes representantes das asociacións de produtores e tamén dos locais de hostalería que participarán no II Concurso A Laracha de tapas, que se celebrará ao longo desa fin de semana.
A Xunta de Goberno Local do Concello da Laracha, reunida hoxe en sesión ordinaria, acordou solicitar a participación na convocatoria da Consellería de Economía, Emprego e Industria da Xunta de Galicia para a concesión de subvencións dirixidas á contratación de persoal técnico para a realización de actividades de orientación laboral.
Na sesión ordinaria da Xunta de Goberno Local celebrada hoxe, o Concello da Laracha acordou presentar, conxuntamente con Arteixo, un novo proxecto á Consellería de Economía, Emprego e Industria ao abeiro da convocatoria das axudas e subvencións para os obradoiros de emprego dentro dos programas mixtos de emprego e formación da Comunidade Autónoma de Galicia.
O Concello da Laracha acollerá durante os meses de abril e maio un curso de comportamento social e atención ao público dirixido aos profesionais do sector da hostalería. A organización será a cargo da asociación de turismo CMAT Costa da Morte.
A Xunta de Galicia incluíu á zona industrial da Laracha no Plan de Banda Larga que se desenvolverá ao longo deste ano. Deste xeito facilitarase ás empresas implantadas nese ámbito o acceso a internet con velocidades de ata 350 Mbps de baixada e 25 Mbps de subida, cunha garantía de caudal do 80% sen límite de descargas. Será grazas ás vantaxes que ofrecen as redes FTTH, que levan a fibra óptica ao propio usuario nestes polígonos xa conectados ás redes ultrarrápidas de R.
O Concello da Laracha, coa colaboración da asociación Horta do Noroeste, organiza a charla informativa sobre produción integrada que se vai desenvolver venres día 31 de marzo a partir das 19:30 horas na Casa da Cultura da Laracha.
José Manuel López Varela, alcalde do Concello da Laracha, Rocío López, edil responsable da área de Promoción Económica, e María Fernández en representación da empresa Cendá Gestión Creativa, encargada de impartir as accións formativas, fixeron hoxe entrega dos diplomas aos alumnos que participaron nos cursos para mozos de ata trinta anos de idade que se impartiron no Concello da Laracha baixo a organización da Cámara de Comercio da Coruña. O acto desenvolveuse nas instalacións da Casa da Cultura da Laracha.
Os cursos formativos para mozos de ata trinta anos de idade que se impartiron no Concello da Laracha baixo a organización da Cámara de Comercio da Coruña remataron hoxe coa celebración do acto de clausura nas instalacións do centro sociocultural de Lendo, ao que asistiron o alcalde, José Manuel López Varela, e a concelleira de Emprego e Promoción Económica, Rocío López.
O alcalde do Concello da Laracha, José Manuel López Varela, e a edil responsable da área de emprego, Rocío López, acompañados por Eduardo Méndez, responsable da empresa Labrax Soluciones, presentaron este mediodía o novo portal municipal de emprego que xa está operativo no dominio www.alaracha.es/emprego.
A Casa da Cultura da Laracha acolleu hoxe o acto de presentación das accións formativas que se impartirán baixo a organización do Concello da Laracha e da Cámara Oficial de Comercio, Servicios, Industria y Navegación de A Coruña. A finalidade esencial destes programas é ampliar os coñecementos e capacidades profesionais de mozos de entre 18 e 30 anos de idade para mellorar a súa empregabilidade e ofrecerlles novas posibilidades de integración no mercado laboral.
José Ramón Martínez Barbeito, tenente alcalde do Concello da Laracha, asistiu hoxe ao acto de clausura do curso de comercialización e venda electrónica que se desenvolveu no edificio de servizos múltiples da capital municipal durante os últimos días.
