Concello da Laracha

10/03/2017

EN MARCHA AS OBRAS DE URBANIZACIÓN EXTERIOR E MELLORA DO PAVILLÓN DO CEIP OTERO PEDRAYO

As obras referidas á urbanización exterior e á mellora do equipamento do pavillón do CEIP Ramón Otero Pedrayo da Laracha xa están en fase de execución. José Manuel López Varela, alcalde do Concello da Laracha, Jesús Souto, edil de Urbanismo e Obras Públicas, comprobaron persoalmente o desenvolvemento das primeiras actuacións previstas. Os traballos estanse acometendo sen interferir na actividade que se desenvolve tanto no polideportivo como no propio recinto do colexio.
09/03/2017

NESTA FIN DE SEMANA, CONCURSO A LARACHA DE TAPAS CON DEZ LOCAIS PARTICIPANTES

O Concello da Laracha organiza a primeira edición do concurso A Laracha de tapas, iniciativa que se desenvolverá entre mañá venres e o domingo cos obxectivos de promocionar a restauración e os produtos locais e potenciar o turismo no municipio.
08/03/2017

O ALCALDE RECIBE NO CONCELLO AO CLUB DE SALVAMENTO ACUÁTICO DA LARACHA

José Manuel López Varela, alcalde da Laracha, encabezou a representación do goberno local que recibiu no Concello ao equipo directivo, adestradores e os preto de medio centenar de deportistas do Club de Salvamento Acuático Laracha (SAL). O rexedor municipal quixo recoñecer deste xeito os excelentes resultados obtidos nos diferentes campionatos de inverno nos que participou o club nas últimas semanas, sempre representando ao Concello da Laracha.
08/03/2017

FINALIZAN OS CURSOS FORMATIVOS ORGANIZADOS POLO CONCELLO E A CÁMARA DE COMERCIO

Os cursos formativos para mozos de ata trinta anos de idade que se impartiron no Concello da Laracha baixo a organización da Cámara de Comercio da Coruña remataron hoxe coa celebración do acto de clausura nas instalacións do centro sociocultural de Lendo, ao que asistiron o alcalde, José Manuel López Varela, e a concelleira de Emprego e Promoción Económica, Rocío López.
04/03/2017

O CONCELLO ORGANIZA UNHA EXCURSIÓN Á SIERRA DE FRANCIA E AO VALLE DEL JERTE PARA A TERCEIRA IDADE

O Concello da Laracha organiza a excursión á Sierra de Francia (Castela e León) e ao Valle del Jerte (Extremadura) que se vai realizar do 2 ao 7 de abril e na que se convidará a formar parte aos veciños do municipio xubilados e pensionistas maiores de 60 anos de idade.
02/03/2017

A PRIMEIRA EDICIÓN DO CONCURSO A LARACHA DE TAPAS CELEBRARASE DO 10 AO 12 DE MARZO

Despois das reunións mantidas entre o alcalde, José Manuel López Varela, e a concelleira de Promoción Económica, Rocío López, cos responsables do sector nas que se consensuou o contido do evento e se animou a formar parte da iniciativa a todos os locais de hostalería da capital municipal da Laracha, finalmente serán dez os participantes: Cafetería-Chocolatería Amaulou, Café-Bar Sara, Restaurante-Cafetería Da Mattó, Café-Bar Guadalupe, Bar Manhattan Skyline, O Noso Café, Restaurante Chousa Bella, Café-Bar Mariño, Café Bar Os Catro Camiños e Hotel-Restaurante ABC.
02/03/2017

O CONCELLO DA LARACHA AGRADECE A PORTOS DE GALICIA A ACTUACIÓN QUE ESTÁ A ACOMETER EN CAIÓN

O alcalde do Concello da Laracha, José Manuel López Varela, acompañado polos edís José Ramón Martínez Barbeito e Jesús Souto, recibiu hoxe en Caión a José Juan Durán, presidente de Portos de Galicia, e agradeceulle a actuación que se está acometendo para mellorar a seguridade no peirao desta localidade.
23/02/2017

O CONCELLO REALIZA A PODA DAS ÁRBORES SITUADAS NO CAMPO DA FEIRA DE PAIOSACO

A empresa concesionaria do servizo de limpeza e mantemento de zonas verdes iniciou, a instancias do Concello da Laracha, os traballos referidos á poda das árbores situadas no campo da feira de Paiosaco, incluíndo o triturado das polas e o transporte.
23/02/2017

A LARACHA ACOLLERÁ UNHA SESIÓN INFORMATIVA SOBRE A PRAGA DA POLILLA GUATEMALTECA DA PATACA

O Casa da Cultura da Laracha acollerá o 6 de marzo a partir das 12:00 horas unha sesión informativa sobre a problemática da expansión da tecia solanivora, coñecida como a praga da polilla guatemalteca da pataca, que está a afectar á produción en moitos municipios galegos, sen atoparse entre eles nestes momentos o Concello da Laracha.
22/02/2017

AS OBRAS DE CONSTRUCIÓN DO COMEDOR DO CEIP ALFREDO BRAÑAS DE PAIOSACO ENTRAN NA SÚA FASE FINAL

Avanzan a bo ritmo de execución as obras de construción do comedor do CEIP Alfredo Brañas de Paiosaco. José Manuel López Varela, alcalde do Concello da Laracha, José Ramón Martínez Barbeito (tenente alcalde) e Patricia Bello (edil responsable da área de Ensino) desprazáronse hoxe ao colexio, onde se reuniron coa directora, Agripina Alfeirán, e coñeceron in situ o resultado das actuacións realizadas.
21/02/2017

APROBADOS TODOS OS PUNTOS DO PLENO EXTRAORDINARIO SEN VOTOS EN CONTRA

A Corporación municipal da Laracha celebrou hoxe unha sesión extraordinaria do Pleno na que se aprobaron os seis puntos da orde do día sen votos en contra e sendo por unanimidade a maioría dos acordos tomados. A sesión resolveuse en media hora e sen apenas debate ante a conformidade de todos os grupos coas propostas elevadas ao Pleno polo goberno local.
20/02/2017

CELEBRADA NOVA REUNIÓN DA MESA SECTORIAL DE COORDINACIÓN POLICIAL SOBRE VIOLENCIA DE XÉNERO

A Mesa sectorial de coordinación policial en materia de violencia de xénero celebrou unha nova reunión periódica co obxectivo de optimizar o traballo que se desenvolve sobre esta temática e facilitar a colaboración entre os representantes dos distintos poderes públicos.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía