Concello da Laracha

09/08/2017

Comezan os programas de voluntariado promovidos polo Concello e a Agrupación de Protección Civil

O alcalde do Concello da Laracha, José Manuel López Varela, e o tenente alcalde, José Ramón Martínez Barbeito, reuníronse hoxe no Salón de Plenos cos mozos que forman parte do programa de Voluntariado Xuvenil que xa está en marcha. A iniciativa está impulsada pola Dirección Xeral de Xuventude, Participación e Voluntariado da Xunta de Galicia e, no caso da Laracha, promovida polo propio Concello e a Agrupación de Voluntarios de Protección Civil.
07/08/2017

O II concurso A Laracha de Tapas celebrarase do venres 11 ao domingo 13 de agosto

Participan trece establecementos (tres máis que no primeiro concurso), que en todos os casos deberán elaborar as súas tapas con froitas, verduras e legumes e ofrecelas ao público ao prezo de 1 euro o venres (de 19:00 a 22:00 h), sábado (11:30 a 15:00 e 19:00 a 22:00 h) e domingo (11:30 a 15:00 h).
04/08/2017

A segunda edición da Feira de Horticultura da Laracha celebrarase o sábado 12 de agosto

O evento foi presentado no Concello nun acto presidido polo alcalde, José Manuel López Varela, e no que estiveron presentes representantes das asociacións de produtores e tamén dos locais de hostalería que participarán no II Concurso A Laracha de tapas, que se celebrará ao longo desa fin de semana.
03/08/2017

O Concello inicia o procedemento de contratación dun novo proxecto de mellora da sinalización viaria

Os traballos deseñados afectarán aos cascos urbanos da Laracha, Paiosaco e Caión, así como a vías rurais das parroquias de Cabovilaño, Soandres e Montemaior.
29/07/2017

14 voluntarios iniciarán o martes a actividade no campo de traballo internacional da Laracha deste verán

O Concello da Laracha e a Dirección Xeral de Xuventude, Participación e Voluntariado organizan por cuarto verán consecutivo un campo de traballo internacional, iniciativa que se volve levar a cabo despois das excelentes experiencias das edicións anteriores.
29/07/2017

O festival A Laracha Rock abrirá as festas patronais da capital municipal

O evento desenvolverase o domingo 13 de agosto na explanada fronte ao IES Agra de Leborís e a biblioteca municipal da Laracha. Ás 21:30 horas comezarán os concertos de Ambigüo, Malavida e 12 Labirinto. A partir das 23:00 horas Talesien presentará o seu último traballo discográfico, que é o cuarto e que leva o mesmo nome que a banda.
28/07/2017

O Pleno aproba con carácter inicial a ordenanza do servizo Madrugadores

O alcalde, José Manuel López Varela, explicou que, a continuación, se abrirá o período de exposición pública deste texto para que poidan presentarse as propostas oportunas dirixidas a mellorar o seu contido.
26/07/2017

Lucía Molares anuncia na Laracha o novo concurso público para a venda dos terreos do parque empresarial

Fíxoo nunha rolda de prensa desenvolvida no Concello da Laracha e na que estivo acompañada polo alcalde, José Manuel López Varela, e pola nova xerente de SEA, Mónica Barreras.
26/07/2017

16 mozos participarán nos programas de voluntariado promovidos polo Concello e a Agrupación de Protección Civil

O Concello da Laracha e a Agrupación de Voluntarios de Protección Civil da Laracha participan no programa de Voluntariado Xuvenil que impulsa a Xunta de Galicia a través da Dirección Xeral de Xuventude, Participación e Voluntariado. A iniciativa vai dirixida a mozos de idades comprendidas entre os 16 e os 30 anos, sendo dezaseis a cifra total de participantes, oito en cada unha das accións que se levarán a cabo.
22/07/2017

O Concello da Laracha presenta ao IDAE un amplo proxecto dirixido á mellora da eficiencia enerxética

Faise ao abeiro da convocatoria de subvencións para proxectos singulares promovidos po entidades locais para favorecer o paso a unha economía baixa en carbono no marco do programa operativo FEDER de crecemento sostible 2014-2010.
21/07/2017

O goberno local elevará ao Pleno da próxima semana a aprobación da ordenanza do servizo Madrugadores

O Concello da Laracha celebrará o Pleno ordinario correspondente ao mes de xullo o venres da próxima semana (día 28). Os asuntos que serán elevados a esa sesión por iniciativa do grupo de goberno local foron sometidos aos correspondentes ditames das Comisións Informativas.
18/07/2017

Unha trintena de usuarios da aula lúdica municipal visitaron as instalacións do punto limpo

A aula lúdica da Laracha é un servizo municipal gratuíto de axuda á conciliación da vida persoal, laboral e familiar das persoas que teñen ao seu cargo nenos de entre tres e doce anos de idade e que o Concello presta no marco do Programa Harmoniza.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía