Concello da Laracha

23/11/2017

A Xunta de Goberno adxudica as axudas municipais á escolarización

Destínanse a esta partida 55.000 euros. A dotación económica das becas para os alumnos de educación infantil será de 125 euros cada unha, 100 euros para os de educación primaria, secundaria obrigatoria e formación profesional básica, 180 euros para os estudantes de bacharelato e ciclos formativos de grao medio e superior e 300 euros tanto para os que cursen estudos universitarios como para aqueles alumnos que requiran de necesidades educativas especiais.
18/11/2017

O Concello da Laracha conmemora o 25 de novembro desenvolvendo unha ampla programación municipal

Co propósito de chegar a todos os sectores sociais e grupos de idade, empregaranse diversas metodoloxías nas accións programadas. Ademais de obradoiros de prevención da violencia nos centros educativos e a terceira edición da Festa da Igualdade, escenificarase unha obra teatral de temática feminista, haberá programación específica na aula lúdica e o Centro de Información ás Mulleres (CIM) realizará unha campaña informativa.
17/11/2017

En marcha as obras de ampliación da calzada entre O Maseo e o cruce de A Fraga

Trátase dun tramo de 317 metros de lonxitude da estrada municipal que comunica Paiosaco con Vista Alegre na que o goberno local está apostando por realizar sucesivas melloras -en varias fases- ao presentar un considerable aumento no volume de tráfico nos últimos anos por ser unha vía que ofrece un cómodo acceso cara a terceira rolda da Coruña e ao aeroporto de Alvedro a través da AC-523.
16/11/2017

Os alumnos do obradoiro de emprego traballan na mellora do paseo fluvial do río Vilán

A intervención divídese en tres fases. A primeira, en execución, consiste no arduo labor de limpeza de todo o percorrido da pasarela de madeira que se está a realizar exclusivamente con auga a presión e sen empregar produtos tóxicos que puidesen afectar ao ecosistema deste entorno natural. A continuación serán revisadas todas as táboas e reparadas ou, se fose necesario, substituídas aquelas que presenten danos. Por último aplicarase lasur en todo o percorrido do paseo fluvial, un produto especialmente indicado para o tratamento da madeira en exteriores polo seu efecto antideslizante e por favorecer a súa conservación.
14/11/2017

O Concello da Laracha recibiu aos integrantes dun programa europeo relacionado coa participación xuvenil

O Concello da Laracha recibiu hoxe a visita das trinta e dúas persoas participantes no proxecto europeo Face to Face: Youth Democracy, financiando polo programa Erasmus Plus dentro da KA3 e que se desenvolve co obxectivo de facilitar encontros entre os mozos e os responsables políticos.
13/11/2017

O concello mellora a sinalización turística nos núcleos urbanos e nas parroquias de referencia para os visitantes

Nos últimos días foron colocados un total de dezaoito paneis de 1,4 metros x 1,4 metros de dimensións en localizacións estratéxicas tanto dos núcleos urbanos como de determinadas parroquias por tratarse de lugares de referencia turística no termo municipal.
10/11/2017

O Pleno aproba por unanimidade as propostas do goberno local para investir 1,5 millóns na mellora de infraestruturas municipais

O proxecto de maior importe será a renovación do céspede artificial do campo de fútbol A Porta Santa de Paiosaco, valorado en case 237.000 euros.
09/11/2017

A Directora xeral de Urbanismo mostrouse satisfeita co resultado dos proxectos do plan Hurbe na Laracha

A Xunta de Galicia investiu máis de 132.000 euros na completa renovación e humanización das rúas Coruña, Pontevedra e Suíza, así como o punto de confluencia de Epifanio Campo Núñez con Eusebio Bértoa Queijo e Luís Martínez Vázquez. A actuación desenvolveuse de xeito paralelo ao proxecto de similares características -neste caso promovido polo Concello e valorado noutros 168.000 euros- que afectou a todo o trazado da rúa Epifanio Campo Núñez.
03/11/2017

O conselleiro de Sanidade presentou na Laracha o proxecto de ampliación do centro médico e PAC

O novo PAC terá unha superficie duns 370 metros cadrados e contará cunha sala de observacións, dúas consultas de medicina xeral, unha consulta de enfermería, unha sala de educación sanitaria, recepción, dormitorios para o persoal de garda e almacén, entre outras dependencias, o que permitirá liberar os espazos do centro de saúde para cubrir as necesidades detectadas para a atención ordinaria.
02/11/2017

Representantes da FEMP comproban na Laracha o excelente funcionamento do Programa Harmoniza

O director da área de Dereitos Sociais e Cidadanía da Federación Española de Municipios y Provincias (FEMP), Joaquín Corcobado, e a responsable do convenio entre a citada asociación co Instituto de la Mujer y para la Igualdade de Oportunidades, Dolores Palacios, estiveron no Concello da Laracha, onde mantiveron unha reunión co alcalde, José Manuel López Varela, a concelleira responsable das áreas de Muller e Servizos Sociais, Rocío López, e a directora do Centro de Información ás Mulleres (CIM) da Laracha, Ana Aldao.
01/11/2017

O Concello da Laracha retirou máis de 400 niños de velutina no que vai de ano

A colaboración cidadá é imprescindible para que as administracións poidan coñecer a ubicación dos niños e actuar para retiralos. No caso de que unha persoa detecte un, debe dar o aviso chamando ao teléfono 012.
31/10/2017

Avanzan os traballos de demolición das antigas escolas unitarias de Santa Lucía

A parcela albergará a ampliación do centro médico e punto de atención continuada da Laracha, actuación que financiará integramente a Consellería de Sanidade da Xunta de Galicia.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía