Últimas novas sobre o Concello da Laracha
-
-
O Concello realiza a poda das árbores do Campo da Feira de Paiosaco
Unha vez estean completados os traballos en Paiosaco, estes mesmos labores realizaranse en varios puntos da capital municipal como as prazas do Concello e Maximino Canedo. Paralelamente tamén se están acometendo os oportunos labores de mantemento no resto de prazas públicas dos núcleos urbanos e das parroquias, así como unha completa actuación na área recreativa de Gabenlle.
-
O Concello requiriu durante o ano pasado a 187 propietarios de parcelas para acometer a súa limpeza
O Concello da Laracha agradece á veciñanza a súa implicación e sensibilización co mantemento en bo estado de conservación das parcelas privadas, dado que por norma xeral ditos labores se acometen en tempo e sen necesidade de requirimentos previos.
-
As brigadas medioambientais municipais actúan no castro de Montes Claros
A actuación principal céntrase na eliminación dos rebrotes dos eucaliptos que foran cortados no pasado verán. Ademais, ás cepas aplicaráselle un tratamento específico precisamente para evitar futuros rebrotes desta especie. As árbores que se conservan no ámbito son as autóctonas, como os castiñeiros e os carballos. Os operarios tamén están realizando o desbroce da maleza. Estes traballos realízanse baixo a coordinación dun equipo de arqueólogos.
-
O Concello da Laracha mellorará a eficiencia enerxética nos edificios municipais coa colaboración do IDAE
O proxecto está valorado en 63.316 euros e consiste na completa renovación das luminarias por outras LED de última xeración en todos os despachos e zonas comúns da Casa do Concello, do edificio de servizos múltiples, da biblioteca municipal da Laracha e do centro sociocultural de Paiosaco.
-
O Concello acomete unha ampla actuación de mantemento no paseo fluvial do río Anllóns
As brigadas medioambientais do Concello da Laracha están a realizar a limpeza da pasarela de madeira con auga a presión e a aplicación de lasur, un produto especialmente indicado para o tratamento da madeira en exteriores polo seu efecto antideslizante e por favorecer a súa conservación.
-
As brigadas medioambientais municipais acometen a limpeza e acondicionamento do entorno do río Anllóns
Os labores que se están a realizar consisten, esencialmente, na eliminación da maleza nas inmediacións do río para facilitar o tránsito a pé e a limpeza integral do lixo e da materia vexetal.
-
As cuadrillas medioambientais municipais actúan na área verde do ámbito do parque empresarial
Esta área verde é a máis ampla do municipio ao presentar unha superficie total de 45.000 metros cadrados. Posúe unha gran riqueza medioambiental ao contar cunha densa vexetación arbórea autóctona.
-
A brigada medioambiental municipal actúa no acondicionamento da Praza da Areosa de Vilaño
Antes da actuación en Vilaño esta brigada xa actuara en diferentes puntos da vila de Caión, centrándose especialmente nos espazos verdes e nos aparcamentos máis próximos á entrada principal á praia das Salseiras.
-
O izado da Bandeira Azul simboliza o inicio da temporada de baño en Caión
Participaron no acto o alcalde, José Manuel López Varela, o tenente alcalde, José Ramón Martínez Barbeito, a presidenta da Federación de Salvamento e Socorrismo de Galicia, Nuria Rodríguez, e membros do equipo de salvamento e socorrismo da praia de Caión.
-
Catro prazas do campo de traballo da Laracha deste verán están reservadas para voluntarios galegos
A temática do campo de traballo será arqueolóxica e terá como obxectivo prioritario a fase inicial da posta en valor do Castro de Montesclaros.
-
O Museo dos Muíños de Golmar estreará neste verán o distintivo de centro azul
A praia de Caión contará coa bandeira azul e repite recoñecemento de sendeiro azul o tramo do paseo marítimo entre a praza Eduardo Vila Fano e o Arroio Figueirido, desde agora baixo o nome Sendeiro de Saldoiro.
