O Pleno acordou declarar de especial interese a obra por tratarse dunha actuación promovida por unha administración pública para a implantación de servizos públicos de interese comunitario, o que permitirá que o seu promotor poida beneficiarse dunha bonificación do 95% no ICIO.
O Concello da Laracha inviste preto de 54.000 euros no acondicionamento do espazo situado baixo as gradas onde, ademais do aseo xa existente, serán creados un almacén e dous amplos vestiarios con entradas independentes e equipados co correspondente mobiliario, duchas, lavabos e sanitarios.
Así mesmo, tamén foron incoados 32 expedientes de tala de árbores por incumprir as regulacións de distancias mínimas establecidas na Lei de Montes de Galicia e os preceptos da Lei de prevención e defensa contra os incendios forestais.
No marco do programa municipal que o Concello da Laracha desenvolve para conmemorar o Día internacional para a eliminación da violencia contra as mulleres –que se celebra o 25 de novembro-, hoxe desenvolveuse a terceira edición da Festa da Igualdade. Fíxose por primeira vez no pavillón do CEIP Otero Pedrayo da Laracha e participaron os 186 alumnos e alumnas de 5º e 6º de primaria dese mesmo centro de ensino e dos CEIP de Caión e Alfredo Brañas de Paiosaco.
Destínanse a esta partida 55.000 euros. A dotación económica das becas para os alumnos de educación infantil será de 125 euros cada unha, 100 euros para os de educación primaria, secundaria obrigatoria e formación profesional básica, 180 euros para os estudantes de bacharelato e ciclos formativos de grao medio e superior e 300 euros tanto para os que cursen estudos universitarios como para aqueles alumnos que requiran de necesidades educativas especiais.
Co propósito de chegar a todos os sectores sociais e grupos de idade, empregaranse diversas metodoloxías nas accións programadas. Ademais de obradoiros de prevención da violencia nos centros educativos e a terceira edición da Festa da Igualdade, escenificarase unha obra teatral de temática feminista, haberá programación específica na aula lúdica e o Centro de Información ás Mulleres (CIM) realizará unha campaña informativa.
Trátase dun tramo de 317 metros de lonxitude da estrada municipal que comunica Paiosaco con Vista Alegre na que o goberno local está apostando por realizar sucesivas melloras -en varias fases- ao presentar un considerable aumento no volume de tráfico nos últimos anos por ser unha vía que ofrece un cómodo acceso cara a terceira rolda da Coruña e ao aeroporto de Alvedro a través da AC-523.
A intervención divídese en tres fases. A primeira, en execución, consiste no arduo labor de limpeza de todo o percorrido da pasarela de madeira que se está a realizar exclusivamente con auga a presión e sen empregar produtos tóxicos que puidesen afectar ao ecosistema deste entorno natural. A continuación serán revisadas todas as táboas e reparadas ou, se fose necesario, substituídas aquelas que presenten danos. Por último aplicarase lasur en todo o percorrido do paseo fluvial, un produto especialmente indicado para o tratamento da madeira en exteriores polo seu efecto antideslizante e por favorecer a súa conservación.
O Concello da Laracha recibiu hoxe a visita das trinta e dúas persoas participantes no proxecto europeo Face to Face: Youth Democracy, financiando polo programa Erasmus Plus dentro da KA3 e que se desenvolve co obxectivo de facilitar encontros entre os mozos e os responsables políticos.
Nos últimos días foron colocados un total de dezaoito paneis de 1,4 metros x 1,4 metros de dimensións en localizacións estratéxicas tanto dos núcleos urbanos como de determinadas parroquias por tratarse de lugares de referencia turística no termo municipal.
O proxecto de maior importe será a renovación do céspede artificial do campo de fútbol A Porta Santa de Paiosaco, valorado en case 237.000 euros.
A Xunta de Galicia investiu máis de 132.000 euros na completa renovación e humanización das rúas Coruña, Pontevedra e Suíza, así como o punto de confluencia de Epifanio Campo Núñez con Eusebio Bértoa Queijo e Luís Martínez Vázquez. A actuación desenvolveuse de xeito paralelo ao proxecto de similares características -neste caso promovido polo Concello e valorado noutros 168.000 euros- que afectou a todo o trazado da rúa Epifanio Campo Núñez.
