Concello da Laracha

07/06/2017

O Delegado territorial da Xunta visita as obras de construción da senda peonil e ciclista A Laracha-Paiosaco

As obras de construción da senda peonil e ciclista que unirá os cascos urbanos da capital municipal da Laracha e de Paiosaco avanzan a bo ritmo de execución. Así o comprobou Ovidio Rodeiro, delegado territorial da Xunta de Galicia na provincia da Coruña, nunha visita ao lugar no que se están a acometer os traballos, onde estivo acompañado polo alcalde, José Manuel López Varela, e a concelleira Patricia Bello.
07/06/2017

Remata a actividade da campaña 16-17 para os 109 nenos da Escola Municipal de Baloncesto

A Escola Municipal de Baloncesto da Laracha (EMBAL) rematará nesta semana a actividade da temporada 2016-2017, na que se bateu o récord de participantes. Para despedir o curso realizáronse a tradicional foto de familia xunto aos adestradores e representantes municipais.
06/06/2017

O alcalde reúnese cos titulares das licencias de taxi para facer un seguimento do servizo

José Manuel López Varela, alcalde do Concello da Laracha, mantivo hoxe unha reunión no Salón de Plenos profesionais do sector dos taxistas para realizar un seguimento deste servizo público e crear un foro de debate no que os titulares das licencias –actualmente hai doce no Concello- puideron tratar cuestións relativas á súa actividade diaria.
05/06/2017

Celebrada nova reunión da Mesa sectorial de coordinación policial sobre violencia de xénero

A Mesa sectorial de coordinación policial en materia de violencia de xénero celebrou hoxe unha nova reunión periódica co obxectivo de optimizar o traballo que se desenvolve sobre esta temática e facilitar a colaboración entre os representantes dos distintos poderes públicos.
01/06/2017

O Concello solicita a participación na convocatoria de Vicepresidencia para ampliar o equipamento de emerxencias

Na sesión ordinaria da Xunta de Goberno Local celebrada hoxe o principal acordo foi solicitar a participación do Concello da Laracha na convocatoria de Vicepresidencia e Consellería de Presidencia, Administracións Públicas e Xustiza da Xunta de Galicia para a adxudicación de equipamentos de emerxencias.
26/05/2017

O Concello da Laracha celebrou o Pleno ordinario correspondente ao mes de maio

No Concello da Laracha celebrouse hoxe o Pleno ordinario correspondente ao mes de maio, ao que se elevaron cuestións de mero trámite administrativo. A sesión comezou cun minuto de silencio gardado en sinal de loito polas vinte e catro mulleres falecidas (máis un caso en investigación) en España no que vai de ano vítimas de violencia de xénero.
25/05/2017

O Concello solicita a participación na convocatoria da Consellería de Cultura dirixida á promoción da lingua galega

Na reunión ordinaria da Xunta de Goberno Local celebrada hoxe, o Concello da Laracha acordou solicitar a súa participación na convocatoria de subvencións da Consellería de Cultura, Educación e Ordenación Universitaria da Xunta de Galicia dirixida á promoción do uso da lingua galega.
20/05/2017

A Laracha será sede dun proxecto de irmandamento no marco do programa Europa Para os Cidadáns

O Concello da Laracha será sede do martes 23 ao domingo 28 de maio do proxecto Creating bridges for a Civic and Democratic Europe (Creando pontes para unha Europa cívica e democrática), que se desenvolverá no marco do programa Europe for Citizens (Europa para os cidadáns).
19/05/2017

O Concello aplaude a aprobación da entrada dos buses da área metropolitana á cidade da Coruña

O Concello da Laracha aplaude a aprobación por parte do Consello da Xunta de autorizar a entrada dos autobuses da área metropolitana da Coruña na cidade herculina. Unha vez estea implantada a medida, os veciños do noso municipio que sexan usuarios deste transporte público poderán desprazarse directamente ata puntos céntricos da cidade.
19/05/2017

O Concello mostra o seu interese por organizar unha segunda edición do programa Deseñando o Teu Futuro

A Xunta de Goberno Local acordou solicitar a participación do Concello da Laracha no programa de apoio e formación á mocidade Deseñando o teu futuro, impulsado desde a Consellería de Política Social da Xunta de Galicia. Trátase dunha iniciativa dirixida a rapaces de entre 14 e 18 anos de idade que consiste na realización de estadías non remuneradas en empresas de diferentes sectores locais escollidos polos propios participantes.
13/05/2017

Formalizado o contrato da obra de renovación das beirarrúas en epifano campo núñez

José Manuel López Varela, alcalde do Concello da Laracha, e o representante do Grupo Constructor SYR-AMG, S.L.U. formalizaron o contrato de execución do proxecto relativo á renovación das beirarrúas en Epifanio Campo Núñez.
12/05/2017

Unha quincena de persoas participan no obradoiro “en familia todos contan” impartido por adafad

O obradoiro titulado “En familia todos contan” que imparte na Laracha a Asociación de Ayuda a Familias de Drogodependientes (ADAFAD) coa colaboración do Concello e o financiamento da Consellería de Sanidade da Xunta de Galicia, está a contar cunha quincena de mulleres participantes que cubriron todas as prazas ofertadas.

Últimas novas sobre o Concello da Laracha

Ligazóns

Documentos

E-Administración

Servizos á Cidadanía