• Praza do Concello, s/n 15145 A Laracha (A Coruña)
Concello

O Concello organiza unha excursión Mondoñedo e Ribadeo dirixida a persoas maiores, xubiladas e pensionistas

05/07/2018

O Concello da Laracha organiza unha excursión ás localidades luguesas de Mondoñedo e Ribadeo dirixida ás persoas maiores, xubiladas ou pensionistas do municipio. Trátase dunha proposta lúdica, recreativa e cultural que se marca como obxectivo esencial optimizar o tempo de lecer deste colectivo e axudar a tecer relacións sociais entre os asistentes.

A excursión terá lugar durante a xornada do xoves 19 de xullo, estando a saída dos autobuses prevista para as oito da mañá desde a A Laracha. O primeiro punto de destino será Mondoñedo, onde os participantes realizarán unha visita guiada pola vila e afondarán no coñecemento da arte de labrar e traballar a pedra nun obradoiro de cantaría. Despois do xantar, desprazaranse ata Ribadeo para disfrutar dun paseo en barco pola ría.

Na sesión ordinaria da Xunta de Goberno Local celebrada hoxe aprobouse o prezo público desta actividade. Foi fixado en vinte euros, que inclúen o transporte, o xantar e todas as actividades que se desenvolverán ao longo da xornada.

As persoas interesadas en asistir deben formalizar a súa inscrición no departamento de servizos sociais do Concello da Laracha (novo edificio administrativo). As prazas son limitadas.

Contacto

AYUNTAMIENTO DE A LARACHA, trata la información que nos facilita con la finalidad de posibilitar la adecuada prestación del servicio concertado, el desarrollo de acciones comerciales y la oferta y/o contratación de productos y servicios. Usted puede ejercer sus derechos en cualquier momento, solicitándolo a través de la siguiente dirección electrónica: info@concellolaracha.com. Consulte la información adicional y detallada en nuestra política de privacidad.